Vikipediista diskuto:Araneo
El Vikipedio
 Bonvenon al la Vikipedio en Esperanto, Araneo!Ĉi tio estas via diskutpaĝo, kiu utilos por ricevi mesaĝojn de la aliaj vikipediistoj. Vi ankaŭ disponas pri via vikipediista paĝo, kie vi povas meti informojn pri vi mem kaj pri viaj interesoj, listigi la lingvojn, kiujn vi komprenas, nomi la landon de kie vi venas, ktp. Vi povas fari tion tre elegante enmetante en vian personan paĝon la ŝablonon {{BabelLando}}. Per tiu ŝablono via paĝo estos aŭtomate ordigita en la kategoriojn kiuj listigas la vikipediistojn laŭ lingvokapablo kaj devenlando. Pliajn klarigojn vi trovos rigardante {{BabelLando}}. Kaj se vi volas sciigi viajn interesojn, eluzu la Uzanto-skatolojn. Se vi havas demandojn rigardu : Antaŭ ol ekredakti, nepre legu la apartan artikolon la perfekta ĝermo de artikolo. En Vikipedio ekzistas diskutejo, kie vi povas fari demandojn, sugestojn kaj proponojn. Por respondi al mesaĝo de alia vikipediisto bonvolu iri al ties diskutpaĝo, alikaze tiu ne rimarkos la informilon "Vi havas novan mesaĝon" — kaj estas eble ke vi ne ricevos respondon. Skribu vian mesaĝon en la fino de la diskutpaĝo kaj ne forgesu subskribi ĝin tajpante ~~~~ aŭ uzante la butonon |
Agrablan kunlaboradon deziras al vi Arno Lagrange ✉ 10:53, 2. Sep 2006 (UTC)
[redaktu] Listo de urboj en Ukrainio
Bonvenon, Araneo, ankaŭ mianome.
Mi vidas, ke ekde aŭgusto vi pensas pri la esperantigo de urboj de Ukrainio kaj ŝanĝas la tekston Listo de urboj en Ukrainio tiurilate. Se vi sekvas la historion de la teksto, vi vidas, ke mi - komencinte la tekston - ĝuste faris kiel vi, do metis "o"-finaĵojn al multe pli da urboj, ankaŭ etaj, anstataŭ nur transskribi ilin al esperanta prononco, sed ricevis fortajn kritikojn pro tio, kaj interkonsentiĝis el geografiaj kaj personaj nomoj ne-latin-literaj esperantigi malpli kaj transskribi pli.
La esencon de la diskuto spegulas la sekvaj linioj, kaj ili koncernas same vin kiel min:
"Transskribo de nomoj ne-latin-literaj sen esperantigo al esperanta prononco:
Laŭ nia pli frua interkonsento, ni ne esperantigas nomojn de ne-mondkonataj urboj, lokoj (krom simpla trans-skribo).
Jen finfine mi trovis: Ne famaj urboj konservas sian nacian formon, Whangamomona (Novzelando) ne ŝanĝiĝas. Narvalo 18:10, 10. Jun 2006 (UTC)
Eble mi ne estis klara: min ĝenas la o-finaĵo de iuj urbetoj. Bonvolu legi por ekzemplo pri rusaj nomoj, ellaborita fare de rusoj: Vikipedio:Esperantigo de rusaj nomoj en Esperanta Vikipedio Narvalo 19:00, 10. Jun 2006 (UTC)
Ankaŭ konsilenda: [1]"
Kion vi tamen nun faras en la listo, estas pli konfuziga: Vi ekzemple ŝanĝis la ligilon Kievo al Kijivo, sed vi ne movis la PAĜON "Kievo" al "Kijivo", eĉ ne kreis redirektilon en nova paĝo "Kijivo", kiu plugvidus al la ekzistanta paĝo "Kievo" ... do nun aspektas, kvazaŭ la urbo nomiĝus Kijivo kaj ne ekzistas artikolo pri ĝi, kvankam ja ekzistas artikolo. Same malbone pri la nomoj de iuj grafikaĵoj: Se vi ŝanĝas la ligon de la "dosiero" (= ĉi-tie: grafikaĵo, bildo) 
(do Dosiero: Blazono de Oblasto Kieva.png) al Dosiero:Blazono de Oblasto Kijiva.png, neniu komputilo plu trovas la grafikaĵon, kaj aspektus, ke en Vikipedio tute ne ekzistas bildo de la blazono de Kievo.
Mi povas eĉ teorie kompreni vian ideon tiom intence ukrainigi la nomon Kievo: pri la urbo Kaunas en Litovio la esperantistoj interkonsentis anstataŭigi la nuntempe misan Zamenhofan formon Kovno (de la pola vorto Kowno) al la moderna Kaŭnaso (ĉar la enloĝantoj nomas sian urbon litove Kaunas, ne kutime uzas la malnovajn tradukojn en la pola, rusa, germana) - kvankam necesas esti singarda pri tiom drastaj ŝanĝoproponoj kaj dubokaze esti konservativa, ĉar tro da ŝanĝoj konfuzigas (kaj la germanaj esperantistoj bone vivas kun la tradicia esperanta nomo Kolonjo por Köln (ne "Kelno" - aŭ "Kölno" kun nova litero en Esperanto??) aŭ Munkeno por München (ne nove "Minĥno" - aŭ eble "Münchno"??? - germano nomus tian formon "grober Unsinn" - drasta sensencaĵo). Sed SE vi eĉ volas ŝanĝi la nomojn de grafikaĵoj, vi devas ŝuti la grafikaĵon al via komputilo, krei por ĝi novan nomon, kaj realŝuti ĝin al Vikipedio. Alikaze la bildo en la teksto simple fuŝiĝas kaj ne plu montratas. Ĉu komprenite?
Mi baze konsilus al vi laŭeble detale sekvi la supre menciitajn konsilojn de Boris Kolker pri esperanta transskribo de rusaj nomoj, kaj apliki la sistemon ankaŭ por la ukraina lingvo (samkiel por la bulgara, makedona, serba, belorusa, mongola kaj aliaj ciril-literaj lingvoj): kompreneble ĉiuj tiuj lingvoj havas iom aliajn prononcajn regulojn ol la rusa, sed la ideo laŭeble faciligi la transskribojn, skribi "i" kaj ne "ij", se sufiĉas, estas saĝa. Ĉu transskribi la literon г pli bone per "g" aŭ per "h", estas diskutebla: al mi tamen ŝajnas, ke la prononco de г almenaŭ ruslingve klare estas la esperanta sono "g", ne "h" kaj ne "ĥ" - tial mi skribus "Lugansk" kaj "Novgorod" kaj "Gomel" [Al mi ŝajnas, ke oni enkondukis la anglan transskribon de г per "h" por anglalingvanoj sen kono de fremda lingvo, kiuj kutime en la angla prononcas g aŭ "g" (se sekvas a, o, u) aŭ "ĝ" (se sekvas e, i), kaj oni volis eviti, le la angle transskribita nomo "Chernigiv" fuŝprononciĝu Ĉerniĝiv. Por malhelpi tion, anglalingvano ĉiukaze aldonus la literon h al la transskribo ("Chernighiv") - tiam 'g' kaj 'i' ne plu estas kunaj, kaj 'g' angle denove prononciĝas "g". Do en la angla transskribo supozeble iu pensis, ke sufiĉus tuj skribi nur "h", alikaze unu cirila litero iĝas du anglaj (kvankam tio nemalofte okazas en transskribo de unu al alia lingvo)].
Vi ĉiukaze vidas: Ne estas tiom simple fari iujn ŝanĝojn sen konsideri la sekvojn - en Vikipedio samkiel en la resto de la vivo...
Sincere ThomasPusch 07:05, 14. Sep 2006 (UTC)
[redaktu] Nomoj de Krimeaj urboj
Mi insiste petas kaj alvokaŝ ĉies prudenton por alpreno kaj vasta uzo de la formo Sebastopolo (kun 'b'). La motivojn oni serĉu en la artikolo Sebastopolo. Tiu formo estas kaj en NPIV, kaj en la plej vaste uzataj nun rusa-Esperanta kaj Esperanta-rusa vortaroj de Bokarjov. Dume mi lasas ĉion senŝanĝa, sed atendas ĉies respondojn pri la temo.
Aldone, nun mi okupiĝas pri preparo de la artikoloj pri la Krimeaj urboj. Inter la urboj, menciitaj en la listo de tiu ĉi paĝo (Listo de urboj en Ukrainio) jam pretas Aluŝto. La esperantigo de la urbo kiel "Aluŝto", espereble neniun ĝenos, do mi aliigos la formon de la urbo en tiu ĉi paĝo.
Ĝenerale mi malpreferas esperantigojn de la jam fiksitaj en NPIV nomoj laŭ la ukraina maniero (mi ĉiam preferas Kievo, sed ne Kijivo). - Mevo, 14:13, 04. Dec 2006
[redaktu] Marjorie Boulton
Ŝajnas al mi ke bildoj estas ĝenerale dekstraflanke. Ĉu estis kialo por movi aparte tiun maldekstren? Dankas, Sok Na Men Sui Lui 13:36, 5. Dec 2006 (UTC).
- Tio dependas de prilumado: la prilumigita flanko devas esti interne de de artikolo kaj ombra flanko - ekstere. La kapo devas esti turnita al la deksto, do, internen. Dankon. Araneo
-
- Tion mi neniel estus diveninta. Ĉu ĝi estas jam menciata en iu helpopaĝo? Sok Na Men Sui Lui 08:24, 7. Dec 2006 (UTC)
Ne, tiu estas konsilo (propono) de faka pentristo-desegnisto. Araneo
