Vikipedio:Bonvenon al la Vikipedio
El Vikipedio
La Vikipedio estas projekto por la konstruo de libera reta enciklopedio en multaj lingvoj. Ĉiu povas kontribui per sia scio. Ekde novembro 2001 tiel estiĝis 58 710 artikoloj en la esperantlingva versio.
Ĉiuj — inkluzive ĉiu leganto — povas redakti ĉiun artikolon, korekti lingvajn erarojn, pligrandigi artikolojn, skribeti, aŭ skribegi. La oftaj demandoj klarigas kiel redakti paĝon kaj aliaĵojn. En la paĝo lastaj ŝanĝoj aperas ĉiuj ŝanĝoj. Ĉiu povas kontribui libere, ĉar Vikipedio estas komunuma projekto, ne finita verko, kaj ĝi senĉese ŝanĝiĝas. Se vi ŝatas kunlabori pri iu certa temo, kontrolu nian portalejon, kie estas listitaj ĉiuj temaj portaloj. Tiuj, kiuj taksas la Vikipedion altkvalita malgraŭ ĝia libera redaktado, skribis respondojn al kritikoj.
[redaktu] Bonvenon al la Vikipedio!
Jen unua provo krei veran esperanto-enciklopedion dank' al la reto! Helpu nin verkante kaj redaktante artikolojn, kaj vi estos fama (nu, eble ne).
Unue, klaku la paĝon Ensalutu kaj elektu tie salutnomon (ekzemple: Chuck SMITH). Ni preferas ke vi uzu vian veran nomon, ĉar la Vikipedio estas profesia projekto, sed certe vi ankaŭ rajtas uzi alian salutnomon aŭ eĉ kontribui anonime.
La Esperanto-vikipedio estis la 4a plej granda vikipedio de majo 2002 ĝis januaro 2003. Ĝi poste restis la sesa post la angla, la germana, la franca kaj la pola, kaj la sveda. Nun (decembro 2006) ĝi ankoraŭ estas inter la gvidaj lingvaj versioj kun 61 967 artikoloj!!! Ankaŭ vidu: Internacia Vikipedio.
Ne timu redakti paĝon, sed se vi ja timas, simple skribu ion pri ĝi en paĝo "Diskutu la paĝon", kiu rilatas al tiu paĝo. Ĉiu artikolo povas havi Diskuto-paĝon.
Se vorto aŭ frazo estas markita kiel ligilo, sed havas ruĝan koloron (anstataŭ la kutima blua koloro), tio signifas ke neniu paĝo ekzistas pri tiu temo. Tiam vi povas verki artikolon pri tiu temo! Simple alklaku la ruĝan ligilon, kaj aŭtomate kreiĝas nova paĝo, kiun vi povas ekredakti.
Se vi vidas plibonigendan artikolon (tio estas ĉiuj, ĉu ne), vi bonvenas klaki "Redaktu la paĝon" kaj tiam la teksto aperos kaj vi povos korekti la enhavon, lingvaĵojn aŭ simple verki novan alineon. Ĉiuj kiuj laboras en la Vikipedio aŭ interesiĝas pri ĝi influos ĝian evoluon.
Nun, bonvolu legi la paĝon Oftaj demandoj kaj la helpopaĝojn.
Vidu ankaŭ: Vikipedia Proklamo
