Wikipedia
Di Wikipedia, e ensiklopedia liber
Wikipedia ta un ensiklopedia multilengual riba internet. E ta skibi dor di voluntarionan uzando software pa páginanan di wiki, loke ta hasi posibel pa artíkulonan sea añadi of kambiá dor di kasi tur hende.
E proyekto a kuminsá riba 15 di yanüari 2001 komo un komplemento na Nupedia kual tabata skibí dor di ekspertonan. Awor e ta manehá dor di e fundashon Wikipedia. E vershon ingles di wikipedia tin mas ku 1.200.000 artíkulo. Wikipedia a sigi subi den popularidad i a haña hopi proyekto relatá, manera wiktionary, wikibooks i wikinews.
Artíkulonan den wikipedia ta sitá regularmente dor di medionan di komunikashon i akadémikonan ku generalmente ta komenda e pa su distribushon gratis, su editashon i pasombra e ta kubri un rango grandi di tópiko. Editornan ta enkurashá pa mantené un pólisa bou di kua perspektivonan ta sumarisá sin purba di determiná un berdat ophektivo. Pero wikipedia su status komo un referensia sa ta kontroversial. Su naturalesa habri ta duna oportunidat pa vandalismo, eror i opinion.
