俄罗斯
来自 吴语维基百科
| Российская Федерация 俄罗斯联邦 |
|||||
|
|||||
| 国歌：俄罗斯联邦颂 | |||||
| 自然地理 （实际管辖区） |
|||||
 |
|||||
| 首都 | 莫斯科 | ||||
面积
|
|||||
| 时区 | UTC +2至+12 | ||||
| 人民生活 | |||||
| 官方语言 | 俄语 | ||||
人口
|
|||||
| 政治文化 | |||||
国家领导人：
|
|||||
| 经济实力 | |||||
| 货币单位 | 卢布 | ||||
| GDP | 1.60 千亿美元（列第9位） | ||||
| 人均GDP | 11,209 美元（列第61位） | ||||
| 中央银行 | 俄罗斯中央银行 | ||||
| 国家资料 | |||||
| 国家象征 |
|
||||
| 国际域名缩写 | .ru | ||||
| 国际电话区号 | +7 | ||||
俄罗斯联邦（Российская Федерация ),简称俄罗斯（Русская）或者俄国（Россия），是世界浪面积顶顶大个国家，地跨欧亚两大洲。俄罗斯联邦搭下底几个国家夹界（逆时针方向）：挪威、芬兰、爱沙尼亚、拉脱维亚、白俄罗斯、立陶宛、波兰、乌克兰、格鲁吉亚、阿塞拜疆、哈萨克斯坦、中华人民共和国、蒙古、朝鲜，搭日本、美国、加拿大隔海相望。绵延个海岸线从北冰洋一径延伸到北太平洋，还包括内陆海黑海搭里海。作为前苏联主要加盟共和国，俄罗斯联邦原是一个蛮有影响力个国家，特别勒勒由12个前苏联加盟共和国组成个独联体组织里向。1991年，苏联解体，俄罗斯继承苏联，成为联合国安全理事会(安理会)常任理事国，并对议案拥有否决权。
内容 |
[编辑] 历史
俄罗斯顶早个政权是维京人建立个基輔羅斯公國（Киевская Русь）。
中世纪后期俄罗斯建立莫斯科大公国，并逐点发展成一个帝国，从15世纪起开始朝亚洲扩张。勒历代沙皇统治期间，俄罗斯帝国勒18世纪开始现代化并且到处到荡扩张，登中国抢着交关土地，包括外东北、库页岛搭新疆西部，成为欧洲列強之一。必过20世纪初开始，俄国个实力开始倒退，人民也对现状越来越弗满。头一次世界大战辰光，俄国勒军事浪惨败。接下去俄国国内发生内战，后首来十月革命勒1917年爆发。
之後朆有多少辰光，共產黨勒列寧領導之下取得政權，苏维埃社会主义共和国联盟也由此成立。勒斯大林领导辰光，蘇聯由一個農業國迅速工業化，並且實行農業集體化。第二次世界大战中对纳粹德国个胜利，使得苏联发展成冷战当中个超级大国(还有一个是美国)，并侵占中国唐努乌梁海、黑瞎子岛等荡化，而且策划外蒙古脫離中國獨立。到仔1980年代末期，苏联进行多项改革，但是原朆有办法改变1991年解体个命运。搿一年个8月24号，俄罗斯苏维埃联邦共和国宣布独立，成为俄罗斯联邦。从此以后，俄罗斯联邦虽然原是一个大国，但是一例有经济困境。
[编辑] 政治
请参见：俄罗斯政治
俄罗斯联邦实行个是联邦民主制。总统是国家元首，任期4年，由人民直接选举产生。总统有相当大个行政权力，有权任命总理等高级官员，但必须经议会批准。总统同时也是武装部队个首领搭国家安全会议主席，还好弗经过议会直接颁布法令。
俄罗斯联邦议会，简称联邦议会（Федеральное Собрание），由上下两院组成。上院联邦会议（Совет Федерации）有178名代表，任期4年，89个地方分区可以任命2名代表，下院国家杜马（Государственная Дума）有450名代表，任期4年，其中225人由国民代表大会选举产生，还有225人则按比例登全国政党当中选出组成。
[编辑] 行政区
参见：俄罗斯行政区
俄罗斯联邦由89个弗同个行政分区组成。联邦有21个享有交关自由个共和国。该星共和国往往是俄罗斯联邦个少数民族聚居区。剩下来个行政区包括49个州(Области ）搭6个区（Края）。当中有10个自治区域搭1个自治州。除此之外，还有两个联邦城市，莫斯科搭圣彼得堡。2000年，按照总统普京个指示，俄罗斯联邦再分作7个按地域分界、包含行政分区个联邦区域。
[编辑] 地理
请参见：俄罗斯地理
俄罗斯联邦跨越欧亚大陆个北部大部分地区，地势及气候变化多端。全境大部分地区属于平原，特别是欧洲部分搭仔亚洲个西伯利亚地区。南部平原大部分是干旷草原，而北部平原则大部分是森林地区。山脉多集中勒南部边境，像大高加索山脉搭仔萨彦-贝加尔山脉。比较中央个乌拉尔山脉是欧洲搭仔亚洲个主要分界线。
俄罗斯联邦拥有绵延37,000公里个海岸线，跨越北冰洋搭仔太平洋，以及内陆个黑海搭里海。有星小个海域则属于大洋个一部分：巴伦支海、白海搭东西伯利亚海属于北冰洋，而白令海搭仔日本海等则属于太平洋。
交关大河流经平原到达海洋。主要河流包括伏尔加河、颚毕河、叶尼塞河、勒拿河以及阿穆尔河（即黑龙江）。主要湖泊有贝加尔湖、拉多加湖搭奥涅加湖了啥。
- 俄罗斯城市列表
[编辑] 经济
苏联解体仔个十来年当中，俄罗斯联邦还勒浪用劲把力建立现代化个市场经济搭仔实现较强个经济增长。俄罗斯联邦行政搭立法机构也意识着，国家个工业基础搭仔进一步个改革面临严重问题，并且使得俄罗斯联邦个经济勒苏联解体仔连甩5年下滑。
1997年俄罗斯联邦经济有星复苏。1998年个财政危机导致当年8月卢布贬值，债务加剧以及人民生活水平严重下滑。必过勒1999到2001年当中，凭借较高个石油价钱搭仔疲软个卢布，俄罗斯联邦个经济再度复苏，平均每年增长6%。
该次个复苏，再加上新政府对基础经济进行个改革，已经提升仔投资者对俄罗斯联邦个信心。尚况俄罗斯联邦还是交关倚赖天然资源出口，特别是占总出口80%个石油、天然气、金属搭仔木材。
2005年底，俄罗斯国民生产总值由1999年个1570亿美元恢复增长到约7500亿美元，黄金外汇储备由1998年底个弗满100亿美金增长到1822亿美金。
[编辑] 人口
请参见：俄罗斯人口
俄罗斯2006年人口1.42亿。人口持续减少，每年减少约70万，主要原因是担心住房、医疗搭教育问题，大多数俄罗斯家庭选择只养一个小人。
由于俄罗斯联邦幅员广阔，所以人口密度较低；大部分人口主要侪住勒垃俄罗斯联邦个欧洲部分，乌拉尔山脉地区以及西伯利亚个东南部。俄罗斯联邦内也有交关少数民族以及土著人口。总人口个80%以上是俄罗斯人，剩下来个包括巴什基尔人、车臣人、楚瓦什人、鞑靼人、日耳曼人、乌克兰人、达格斯坦人、朝鲜人、犹太人搭仔白俄罗斯人等。
俄语是唯一个官方语言，但是勿同个共和国经常拿自家个民族语言作为共和国内个官方语言。东正教是联邦内个主要宗教，其他个宗教包括伊斯兰教、基督教新教、罗马天主教跟佛教等。
[编辑] 文化
请参见：俄罗斯文化
- 俄国人列表
- 俄国文学
- 俄国诗人
- 俄罗斯大学列表
- 俄國音樂家
[编辑] 军事
苏联解体仔，俄罗斯继承着苏联个大部分军事力量，成为有世界影响个军事强国之一。俄罗斯正规军由陆军 、海军、空军、国土防空军搭仔战略火箭军组成。有规模庞大个核武库，根据其官方勒2005年宣布个结果，俄罗斯个核弹头数量为：4732枚。
[编辑] 外交关系
- 中俄关系
沙皇俄国原是欧洲国家，搭中国弗隔界。沙俄自清代以来，占领中国交关领土，是占领中国领土顶顶多个国家。拨沙俄占领个中国领土包括（自东向西）：库页岛、乌苏里江以东土地、黑龙江北至外兴安岭土地、贝加尔湖以东土地、唐努乌梁海等。另外，沙俄勒外蒙古独立事件当中起过关键性个作用。
勒20世纪个压末几年，中俄两国政府勒黑瞎子岛划定边界，中国收回拨俄罗斯实际控制个该岛个一半，另一半划进俄罗斯疆界，历史上该个岛是属于中国个。
由于俄国个原因，蒙古搭仔巴尔喀什湖以东、以南个交关荡化也不再是中国领土。
透過中俄多次磋商搭仔簽訂協定，2004年《中華人民共和國和俄羅斯聯邦關於中俄國界東段的補充協定》後，兩國勒領土爭端浪个問題大致浪解決。中俄兩國現處於持續發展戰略搭仔經濟友好關係。
参见俄美关系搭仔俄日关系
自从日本勒第二次世界大戰里向拨蘇聯佔據北方四島，兩個國家还朆簽訂和約，理論上兩國还勒浪作戰對抗。自1990年代葉利欽作為俄羅斯联邦總統，日俄開始對北方四島進行談判，但雙方分歧还是勒浪。
[编辑] 其他主题
- 俄罗斯通讯
- 俄罗斯交通
- 俄罗斯军事
- 俄罗斯外交
- 俄罗斯旅游
- 俄白联盟
[编辑] 外部链接
- Gov.ru - 俄国官方网站
- Kremlin - 俄罗斯联邦总统官方网站
- Federative Council - 上院官方网站
- Duma - 下院（杜马）官方网站
- 俄罗斯地图 （中文）
- 俄罗斯新闻网（俄新社中文网站）
| 亚洲 | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
|
|||||||||||||||||||
| 世界地理索引 | 非洲 | 美洲 | 南极洲 | 欧洲 | 大洋洲 | 各国首都 | |||||||||||||||||||
|
(1) 请查看台湾问题
|
|||||||||||||||||||
| 欧洲 | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
|
|||||||||||||||||||
| 世界地理索引 | 非洲 | 美洲 | 南极洲 | 亚洲 | 大洋洲 | 各国首都 | |||||||||||||||||||
| 亚洲太平洋经济合作组织（APEC） |  |
|---|---|
| 澳大利亚 • 文莱 • 加拿大 • 智利 • 中华人民共和国 • 中国香港 • 印度尼西亚 • 日本 • 大韩民国 • 马来西亚 • 墨西哥 • 新西兰 • 巴布亚新几内亚 • 秘鲁 • 菲律宾 • 俄罗斯 • 新加坡 • 中华台北 • 泰国 • 美国 • 越南 |
|
|
 |
|---|---|
| 亞美尼亞 | 阿塞拜疆 | 白俄罗斯 | 格鲁吉亚 | 哈萨克斯坦 | 吉尔吉斯斯坦 | 摩尔多瓦 | 俄罗斯 | 塔吉克斯坦 | 土库曼斯坦 | 乌克兰 | 乌兹别克斯坦 |
| 上海合作组织（俄语ШОС） |  |
|---|---|
| 成员国：中华人民共和国 · 俄罗斯 · 哈萨克斯坦 · 吉尔吉斯斯坦 · 塔吉克斯坦 · 乌兹别克斯坦 观察员国：蒙古国 · 伊朗 · 印度 · 巴基斯坦 |
| 伊斯兰会议组织成员国及观察员 |  |
|---|---|
| 阿富汗 | 阿尔巴尼亚 | 阿尔及利亚 | 阿塞拜疆 | 巴林 | 孟加拉国 | 贝宁 | 布吉納法索 | 文莱 | 喀麦隆 | 乍得 | 科摩罗 | 科特迪瓦 | 吉布提 | 埃及 | 加蓬 | 冈比亚 | 几内亚 | 几内亚比绍 | 圭亚那 | 印度尼西亚 | 伊朗 | 伊拉克 | 约旦 | 科威特 | 哈萨克斯坦 | 吉尔吉斯斯坦 | 黎巴嫩 | 利比亚 | 马尔代夫 | 马来西亚 | 马里 | 毛里塔尼亚 | 摩洛哥 | 莫桑比克 | 尼日尔 | 奈及利亞 | 阿曼 | 巴基斯坦 | 巴勒斯坦国 | 卡塔尔 | 沙特阿拉伯 | 塞内加尔 | 塞拉利昂 | 索马里 | 苏丹 | 蘇利南 | 叙利亚 | 塔吉克斯坦 | 土耳其 | 突尼斯 | 多哥 | 土库曼斯坦 | 乌干达 | 乌兹别克斯坦 | 阿拉伯联合酋长国 | 也门 | |
| 观察员国: 波斯尼亚和黑塞哥维那 | 中非共和國 | 俄罗斯 | 泰国 | |
| 穆斯林组织和团体观察成员: 摩洛国家解放阵线(MNLF) | 北塞浦路斯土耳其共和国 | |
| 国际组织观察员: 经济合作组织(ECO) | 非洲统一组织 | 阿拉伯国家联盟 | 不结盟运动 | 联合国 | |
| 联合国安理会成员国 |  |
|---|---|
| 常任理事国 | |
| 中国 - 法国 - 俄罗斯 - 英国 - 美国 | |
| 任期到2006年12月31号终止个非常任理事国 | |
| 阿根廷 - 丹麦 - 希腊 - 日本 - 坦桑尼亚 | |
| 任期到2007年12月31号终止个非常任理事国 | |
| 刚果 - 加纳 - 秘鲁 - 卡塔尔 - 斯洛伐克 | |
Categories: 翻译请求 | APEC | 俄罗斯
