Biolojiya
From Wikipedia
ביאסי איסטי ארטיקולו אין לה גראפ׳ייה איברייה, בײולוג׳ײה
La Biolojiya, en sentido amplio, es la sensia de la vida, tiene por objeto el estudio de los seres vivos, plantas i animales, en todos sus aspektos. El termino "Biolojiya", lo propuso en el siglo dieziosho el naturalista fransez Pierre Antoine de Monet, Chevalier de Lamarkk (tambyen propuso el termino 'invertebrado').
Es una rama de las Sensias Naturales ke estudia la vida desde todos los puntos de vista:
- Tipos, i karakterístikas de los seres vivos: zoolojiya, botánika, mikrobiolojiya, virolojiya...
- La Estruktura de los seres vivos i su funsionamiento, desde el nivel molekular (biokímika), genétiko (genétika), selular (biolojiya selular), orgániko (organografiya), funsional (anatomiya, fisiolojiya...), etc.
- Relasiones kon el entorno físiko i biolójiko: ekolojiya, sinekolojiya.
Las klasifikasiones de los seres vivos son mui numerosas, se proponen, desde la tradisional división en dos reinos, establesida por Linné en el siglo XVII ente animales i plantas, hasta las aktuales propuestas de los sistemas kladistikos kon tres dominios ke komprenden más de 20 reinos.
- Bakteria, Arkhaea i Eukarya.
Tambyén denominados:
- Eubakteria, Arkhaea i Eukaryota.
Una klasifikasión, bastante aseptada por su utilidad pese a no ser kompletamente natural, divide los seres vivos en sinko reinos:
- Monera, Protista, Fungi, Plantae, Animalia.
Ama ke la Biolojiya es la sensia ke estudia la vida, algunos "organismos" son objeto de la biolojiya, a pesar de ke la mayoriya de los biologos no les konsideran seres vivos. Estos son:
- Virus, Viroides, Priones.
Disiplinas biolójikas i temas relasionados:
- Zoolojiya, Botánika, Mikrobiolojiya, Bakteriolojiya, Mikolojiya, Taksonomiya, Paleontolojiya, Fisiolojiya, Biofísika, Biokímika, Biolojiya Molekular, Biolojiya selular, Sitolojiya, Biolojiya Estruktural, Jenétika, Anatomiya, Bioteknolojiya, Biolojiya del desarroyo, Biolojiya marina, Ekolojiya, Etolojiya, Evolusión, Inmunolojiya, Enfermedades infeksiosas, Mesolojiya, Onkolojiya, Toksikolojiya, Parasitolojiya, Ontogenia, Filogenia, Astrobiolojiya.
Jente e Istoria
- Biólogos famosos -- Istoria de la biolojiya -- Premios Nobel de Fisiolojiya i Medisina
