Sovetunio en dua mondmilito
El Vikipedio
Sovetunio > Sovetunio en dua mondmilito < Milito < Historio
Frumatene la 22-an de junio en 1941 la Sovetunio estis atakita fare de Germanio. Sovetunio envenis en la Duan mondmiliton. En Rusio la milito inter Sovetunio kaj Germanio estas nomata la Granda Patria Milito. La milito finiĝis la 9-an de majo 1945 per venko de Sovetunio.
La bazaj eventoj dum la milito:
- 1941. Ofensivo de germana armeo. Smolenska batalo. Komenco de blokado de Leningrado. Batalo ĉe Moskvo. Malvenko de germana armeo ĉe Moskvo. Kontraŭofensivo de soveta armeo ĉe Moskvo.
- 1942. Ofensivo de germana armeo en suda direkto. Celante nafton de Azerbajĝano, la germana armeo alvenis al Nord-Kaŭkazio kaj al grava urbo Stalingrado ĉe Volgo.
- Fin. 1942 - kom. 1943. Stalingrada batalo. La germana armeo malvenkis ĉe Stalingrado, multe da germanaj soldatoj estis ĉirkaŭfermitaj, la germana armeo retiriĝis ĝis Ĥarkov, Belgorod kaj Orel.
- 1943. Provo de ofensivo de germana armeo ĉe Kursk. Kurska batalo. Germana armeo malvenkis kaj retroiris. La Soveta armeo liberigas la urbojn Ĥarkovo kaj Kievo kaj transiras la riveron Dnjepro.
- 1944. Operacio "Bagration" - La Soveta armeo liberigas Belarusion. Post antaŭenmarŝo en suda direkto liberigo de Rumanio, Hungario, Bulgario, parto de Jugoslavio.
- 1945. Liberigo de Pollando, Ĉeĥoslovakio, restinta parto de Jugoslavio kaj de parto de Aŭstrio fare de Soveta armeo. Sturma konkero de Berlino. Kapitulaco de Germanio la 9-an de majo en 1945.
Dum la Granda Patria Milito pereis pli ol 6 milionoj da germanaj soldatoj, kaj pli ol 8 milionoj da sovetaj soldatoj. La perdoj de homoj kaj militaj teknikaĵoj de Germanio en la orienta fronto estis pli ol 80% de ĉiuj germanaj perdoj dum la dua mondmilito.
En Sovetunio dum la milito estis murditaj pli ol 20 milionoj da civiluloj.
