Belgorod
El Vikipedio
Geografio > Eŭropo > Rusio > Belgorod
Belgorod (ruse Бе́лгород) estas urbo en Rusio, ĉefurbo de Belgoroda provinco. La urbo situas ĉe rivero Severskij Donec (Северский Донец), 695 kilometrojn suden de Moskvo.
Ĝi havas statuson de urbo ekde jaro 1779.
Loĝantaro:
Preciza situo: 50° 37' norde, 36° 37' oriente.
Enhavo |
[redaktu] Historio
Belgorod estis fondita en 7-8 jc., la unua mencio de ĝi estas datita de 997 jaro. Tiam Belgorod defendis sudajn bordojn de Rusujo kontraŭ militiroj de stepaj nomadoj.
Al Belgorod estis ekziligataj ne mortpunitaj krimuloj, malfidelaj edzinoj kaj prostituitinoj.
En 1596 estis konstruita ŝtona fortikaĵo anstataŭ la antaŭa, multfoje bruligita ligna. Urbo longe servis sian landon per defendo kontraŭ krimeaj tataroj ĝis la jaro 1785, kiam Krimeo estis konkerita kaj aligita al Rusio. Ekde tiam Belgorod perdis sian militan signifon.
Ĝis 1779 Belgorod estis centro de aparta provinco, kiu tamen estis dispecigita tiel, ke poste la urbo eniris Kurskan provincon. En sovetia tempo ĝi denove iĝis provinca centro.
[redaktu] Nuntempe
Nuntempe Belgorod produktas kaj eksportas multon da kreto (temas pri iu specifa malofta speco). Krom tio proksime de la urbo oni ekspluatas grandan minejon de fera erco.
Belgorod estas bela kaj relative komforta urbo, kiu logas transloĝiĝantojn el pli nordaj regionoj. Proksimeco de Ukrainio (kun alia nivelo de prezoj) kaŭzas relative malaltajn prezojn por manĝaĵoj kaj kelkaj industriaj varoj.
En la urbo estas ŝtata universitato kaj kelkaj aliaj universitat-nivelaj institucioj.
En la urbo estas fervoja stacio.
Kodo de OKATO de la urbo (en jaro 2005) estas 14401.
La interurba telefona kodo estas 0722, la enurbaj telefonnumeroj estas sesciferaj (en jaro 2005).
La loka tempo estas la sama kiel moskva tempo (en jaro 2005).
[redaktu] Ligiloj
