El Vikipedio
Saluton al vi, terdevena esperantisto!
 |
Tero
Mi venas el la Tero kaj ŝatas vojaĝi tuttere. |
 |
Internacia lingvo
Mi subtenas la internacian disvastiĝon de esperanto sed NE volas ke ĝi fariĝu la ununura tuttera lingvo. |
 |
Iĉ-uzemulo
Mi emas uzi la sufikson "iĉ" por pli da seksegaleco en esperanto. |
 |
Kanabo
Mi fumas kanabon kaj mi kontraŭas la emon ĝin malpermesi. |
 |
Singardprincipo pri GMO
Mi estas por la singardprincipo koncerne GMO-ojn kaj kontraŭas hazardan disvastiĝon de tiuj organismoj ekster hermetike fermitaj areoj. |
 |
Ŝtelfilmo
Ŝtelfilmado estas liberatenco. Mi ne volas realigi la orvelan mondon. |
 |
Kino
Mi ŝatas Kinon kaj, mi spektas multajn filmojn. |
 |
Festivalo!
Dum la somero aŭ vintro, mi estas en la rok-festivaloj! |
|
[redaktu] Mia umbiliko, narcisisme ;-)
Atentu: Tiu paĝo uzas la iĉan sistemon. Patroj=gepatroj
Mi naskiĝis la 12-a de januaro 1987 en izolita vilaĝo apud arbaro proksime de Dinan, Côtes-d'Armor. Ĉio-ĉi situas en Bretonio, okcidenta parto de Eŭropa Unio. Mi neniam iris al ia ajn lernejo. Miaj patroj sole instruis min, kiel eblas en Francio. Mia patriĉo estis fakinstruisto pri historio kaj geografio. Paĉjo kaj mi lernis kune la esperantan kaj la anglan, po unu leciono tage, per la metodo Assimil. Unue, mi nur volis lerni la anglan, kaj mi pli ĝeme ol eme akceptis lernadi la ILon, sed poste, kiam mi partoprenis la Internaciajn Renkontojn de Plueg-ar-Mor, mi miris ke esperanto konsistis el vera evoluanta movado, kaj ekde tiu momento, mi fariĝis tre interesata pri la lingva fako, kaj vigla militanto por informi pri eo.
En vintro 2003 kaj vintro 2004, mi vojaĝis al suda Barato, plejparte en Aŭrorurbo, apud Pondiĉero. En tiu internacia domaro, kie mi restis entute 7 monatojn, mi daŭre lernis la anglan kaj, kiel mi faris hejme de pluraj jaroj, sekvis aikidajn kursojn, kaj precipe renkontis buntajn personojn de Eŭropo, Usono, Koreio, kun kiu mi komunikis dank'al tiu mirinda sed TUTE ne taŭga lingvo en ĉi-tiu medio : la angla. Efektive, esperanto preskaŭ neestas en Aŭrorurbo kaj la naciaj lingvoj (franca, angla, germana, tamila) estas terure miksigitaj kaj difektitaj! Tie, mi konsciiĝis pri la lingvaj baroj kaj la superecoj kiujn posedas la angl-parolantoj nun en la tuta mondo. Mi ankaŭ estis en Aŭrorurbo kiam alvenis la cunamo konsekvence al la Hinda-Oceana Tertremo en 2004 ; estis horora sed tamen interesega sperto, ĉar la aŭrorurbanoj helpis la tamilajn vilaĝojn rekonstruiĝi post la ondo. La katastrofo okazigis pliproksimiĝon inter la "turistoj" kaj la tamilandanoj.
Mi sensukcese provis eklerni la japanan, la bretonan, la hungaran, sed mi preferas unue komplete scipovi la esperantan kaj la anglan. Mi cetere ankaŭ vojaĝis al Martiniko kaj Andaluzio. Mi planas labori pri lingvo kaj tradukado kaj mi nuntempe estas aktivulo ĉe Greenpeace Rennes.
Vikipedio estas grava apoganto de Tut-Tera Teksaĵo, Vikipedio estas grava apoganto de esperanto. En la esperanta movado, mi konsideras la vikipedion tiom grava kiom la pasporta servo. Unue, mi konsideris la nombron de artikoloj tre gravaj, sed nun ne plu jukas min! Ĝi ne estas konkurado! Kio gravas, tio estas verki kvalitajn kaj eklektikajn artikolojn kaj ne nur resumitajn tradukaĵojn de la angla vikipedio! Kia feliĉo kiam ni finas longan kaj (espereble) kvalitan artikolon! Ankaŭ devus esti en viki-eo pli da kosmopolitaj vikipediistoj, de Ĉinio, Japanio, Afriko. Ĝi simbolas la tutan mondon, kaj se ni nur verkas artikolojn kun eŭropa aŭ usona vidpunkto, ĝi fariĝos labila. Ankaŭ tutterdevenaj bildoj estus tre bonvenaj.
Tiu estas ja tikla temo, kaj rapide fariĝas ĝenema trolo. Sed post mia vikipediiĝo, multaj troloj floris pri la aktuala sistemo, kiu miaopinie estas tipa kvereligo. Unue, mi volus klarigi tion: mi ne celas revolucii esperanton, nek abandoni ĝin favore al Ido, ekzemple. Laŭ mi, Iĉ-uzismo ne temas pri reformo, sed nur poluro lingva. La esperantistaro tamen atentu la lingvan fidelon al la Fundamento, kiu estas onia konduka fadeno. Sed mi fakte esperas ke la iĉ-uzismo finfine anstataŭigu la nunan sistemon, tro ĥaosa. Mi ne opinias ke oni perfidu Zamenhof aŭ la fundamenton adoptante ĝin. Mi konscias ke se oni komencas iomete "aranĝi" la fundamenton, estas danĝere, ĉar aliaj ekaranĝos ĝin alimaniere, kaj eo fariĝus vera kaĉo! NE! Sed en la nuna plej potenca lingvo de nia tero, la angla, gravaj reformoj nun okazas. En la franca, ekde freŝdate ankaŭ temas pri seksegaliĝo (por tiuj kiuj konas, Mademoiselle estas verŝajne malaperonta). Esperantomovado nepre antaŭeniru sammaniere. Ĉar lingvo kiu rifuzas progresi jam estas eluzita! Sed kiel mi jam diris, vikipedio ne stas eksperimentejo, kaj mi ekuzos ĝin artikole, nur ekde kiam ĝi nekontesteble fariĝos populara (espereble)!
[redaktu] Interesoj kaj artikoloj verkitaj
Mia unua intereso estas pri la lingvo. Uzi ĝin kaj lerni ĝin per vikipedio estas jubila plezuro por mi. Mi vikipediiĝis la 10-a de aŭgusto 2005. Mi fariĝas hokita je vikipedio kaj mi timas ke neniam plu mi sukcesos malhavi vikipedion.
Verki vikipedion estas fantasta rimedo por ellerni kaj la lingvon kaj la temojn al kiuj oni proksimiĝas. Fakte, legi librojn estas certe ĉefa lernilo, sed legi ilin por poste kunigi la sciojn, kiujn ni legis kaj verki artikolojn baze de tiu scio estas mirinda maniero inteligentiĝi! Bedaŭrinde, mi precipe emis ĝis nun verki artikolojn pri distraĵoj. Tio estas grava, sed ne multe lerniga. Miaj ĉefaj artikoloj estas do :
Katedralo Mi redaktis nur la parton "Mezepoko kaj katedralo".
|
|
|
Haŝiŝo Tradukita el la alilingvaj artikoloj (angla, franca). Finenda.
|
|
|
|
|
|
|
|
|
|
|
|
|
|
|
|
|
|
|
