Granda kormorano
El Vikipedio
Granda kormorano | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|
Biologia klasado | |||||||||||||||||||||
|
|||||||||||||||||||||
Binoma nomo / Trinoma nomo / ktp. | |||||||||||||||||||||
Phalacrocorax carbo |
Granda kormorano (Phalacrocorax carbo) estas malhelkolora akvobirdo el la kormoranoj.
Ĝi grandas 91 cm preskaŭ kiel ansero. La kolo, brusto, suba parto de la dorso estas nigra kun verda nuanco; la kapoflanko kaj la gorĝo estas blanka.
La junbirdoj estas supre brunaj, ventre malpur-blankaj. Ili sidas per vertikala korpo sur rokoj aŭ branĉoj, ofte kun duonmalfermitaj flugiloj. Ĝi merĝas dum naĝado ofte profunde en la akvon. Ĝi naĝas kun etendita kolo kaj beko supretenita.
Ilia flugo estas relative rapida kaj direkt-linia, ili tenas la etenditan kolon iom supren. Ili flugas en grupo vice aŭ V-formo. Dum la kovperiodo, la kolo de grandaj kormoranoj de la marbordoj kaj la Brit-insuloj estas preskaŭ tute blankaj.
La granda kormorano vivas ĉe marbordoj, riverfaŭkoj, maraj lagoj, en la kontinento en marĉoj aŭ apudriveraj arbaroj. Ĝi ŝatas vivi en kolonio, nestas kolonie sur rokrandoj, sur arboj. Ĝi estas migranta birdo.