Gerniko
El Vikipedio
Geografio > Eŭropo > Iberio > Hispanio > Eŭska Aŭtonoma Komunumo > Biskajo > Gerniko
Gernika (eŭske) aŭ Guernica (hispane, en ambaŭ kazoj elp. [Gernika]) estas vaska urbo, en la historia teritorio de Biskajo. La hispanlingva versio de la nomo estas fama pentraĵo de Pablo Picasso.
Ĝi havas ĉ. 15.000 loĝantojn, kaj troviĝas proksime al la Kantabra Maro.
La graveco de Gerniko estas ĉefe historia: en salono tie situata kunvenis la aŭtoritatoj de la malnova Biskajo, kaj ĉe kverko tie situata (la Gernika arbo) la hispanaj reĝoj simbole ĵuris la specialajn leĝojn de la vaskaj provincoj. Tiu tradicio fariĝis poste simbola por la defendantoj de la vaska aŭtonomeco.
La urbo fariĝis bedaurinde ankaŭ fama pro alia historia pli posta kaŭzo: la 26-an de aprilo de 1937, dum la Hispana Enlanda Milito, trupo de aviadiloj de la Legio Condor, senditaj de la germana registaro apoge al la trupoj de Francisco Franco, bombadis la urbon, okupatan nur aŭ ĉefe de civila loĝantaro, por terurigi la partianojn de la respublikana registaro.
La novaĵoj baldaŭ diskoniĝis, kaj vekis la indignon de la tutmonda publika opinio. Ĝi estos poste konsiderata kiel la unua provo de la bombado de civilaj urboj, kiuj fariĝos kutimaj dum la Dua mondmilito. Konata rezulto de la indigno estis la konata pentraĵo de Picasso, kiu fariĝos simbolo de la hororoj de la militoj.
 |
 |
|
[redaktu] Eksteraj ligiloj
- [1] A site on the Spanish Civil War
