Albi (Francio)
El Vikipedio
Geografio > Eŭropo > Francio > Albi
Albi estas la ĉefurbo de la franca departemento Tarn, kaj havas 50 000 loĝantojn. Ĝi estas unu el la "rozkoloraj" urboj de sudokcidenta Francio, samkiel Tuluzo aŭ Montauban, pro la koloro de la brikoj per kiuj la tuta urbo estis konstruita. Albi ĝuas belegan situacion sur monteto super la rivero Tarn. La fortikigita katedralo, Sainte Cécile, kun siaj mirindaj pentraĵoj kaj la episkopa palaco, kie nun hejmas la muzeo pri la pentristo Toulouse-Lautrec estas la ĉefaj vidindaĵoj de la urbo. Sed menciindaj estas ankaŭ la mezepokaj mallarĝaj stratoj, kaj la multnombraj preĝejoj kaj kapeletoj de la urbocentro. Albi estas la naskiĝloko de Toulouse-Lautrec kaj de La Pérouse (1741 - 1788), esploristo kiu malkovris plurajn insulojn de la Pacifika Oceano.
La albiganismo, mezepoka herezo (= katarismo) dankas sian nomon al tiu urbo, ĉar multaj el la anoj de tiu herezo loĝis en la urbo kaj siaj ĉirkaŭaĵoj.
 |
 |
 |
 |
[redaktu] Eksteraj ligiloj
http://www.mairie-albi.fr/eng/index.html- http://www.mairie-albi.fr
- http://france-for-visitors.com/languedoc/albi.html
- http://www.newadvent.org/cathen/01267a.htm
 |
Ĉi tie estas aldonaj eksteraj ligiloj por la artikolo. Vi povas helpi al Vikipedio se vi elektos la taŭgajn eksterajn ligilojn kaj metos ilin en la artikolon. |
