Fuaßboi
Aus Wikipedia
Fuaßboi is wahrscheinle oane vo de Mannschaftsspoatarten, de de Leit om liabsten meng. G'schbuit wiad af zwoa gengüba liegende Tor' mit 11 oane gega 11 ondane, wobei a jeda an Boi nua mit de Fiaß in da Gengd umanandatreten deaf; Brust, Mong und Belle zeyn owa aa no. Nua da Toamo deaf an Boi in seim 16-Meda-Raum mit de Händ ograbbeln, um sei Tor zu vateidigen. Dazu ziagt ea meist Hondschuch o, wos owa zu Beginn vo dera Spuatart no ned dea Foi g'wen is.
Damit koana vo de Schbieler an Radau, g'nannt Foul, mocht, gibt's no d'Schiri mit de zwoa Heyfa an da Saitnlinie, de wo eahm ozeing, wenn a Schbieler im Obseits g'schdondn is oda an sonsting Schmorrn g'mocht hot. As Abseits is dawei so schwaar zu vazäyn, dass des eh koa Sau kapiat, desweng lass'mas glei weg. Meah dazua und am Schbuifeyd findst unta Fuaßboiregeln.
Fuaßboi wead eigntle in alle Länder fabriziert, vo dene de meistn eahrane eigne Liga ham. Olle via Joahr treffens si dann zu de Weyt- oda Europamoasterschaften, wo se eahna Tschämpion damitteln.
Zu de bestn Fuasboier ghern ausadem Pele und unsa Kaisa, da Franz Beckenbauer.
