Wikipedia:Hilfe
Aus Wikipedia
[dro wärkln] Huif fia technische Sachan
Da a jeda, der boarisch red an Text auf Deitsch lesn ko, is woi a Schmarrn, wenn ma de ganz'n technischn Sachan iaba d'Wikipedia ins boarische übersetzn dad. Oiso wenn eppads wissn mog, wia ra z.B. selba an Artikl schreibn ko und wia ma do an Text fett schreibn ko und des ois, ko a am bestn lerna, wenn a dem Wegwoasa zua Huifn vo da deitschn Wikipedia foigt. An guadn Übablick üba Regln und wia ma an guadn Artikl schreibt bibts a aufm Wikipedia-Poatal.
[dro wärkln] Anregunga fia's Schreibn vo Artikln fiad boarische Wikipedia
Wia in de andana Wikipedia-Sprachn a werd an Haufn iaba Regln gredt, de de Schreiba eihoidn soin. Des findt ma z.B. beim Stammtisch oda bei vui Artikln unter dem Menü "bschprecha".
A boa Vorgabn auf de se woi d'meistn geinigt hobn:
- Schreibn duad a jeda in dem Dialekt den a red.
- Deswegn schreibt koana an Artikl vo eppads andam in sein Dialekt um. An am Artikl vo eppads andam deaf ma natürli trotzdem wärkln.
- Wenn a Artikl vo mehra Leid gschriebn werd, wars net schlecht, wenn Stückl mit unterschiedliche Dialekte irngwie kennzeichnet wern.
- regionale Themen soidn am bestn in dem dortign Dialekt gschriebn werdn.
- de geeignetstn Themen fia d'boarische Wikipedia san deswegn natürli Artikl iaba boarische Begriff, iaba Deafa, Städt usw. im boarischen Sprachgebiet.
- S'spricht aba a nix dageng de "normaln" Wikipedia-Themen wia d'Naturwissnschaftn usw. zum behandln. Wea im boarischn Sprachraum zur Schui ganga is oda a studiert hod, woaß daß a guada Teil vo de Lehra auf boarisch unterrichtn.
- Do ma fia ernstane Themen a im boarischn Sprachraum eha auf's Hochdeitsche z'ruckgreift, neigt ma im Dialekt scho eha dazu ois a bissal lustiga zum seng und vazäin. Do de boarische Wikipedia zwar de Schreiba und a de Lesa a Freid macha soi, aba trotzdem koa Schmarrn-Wikipedia wern soi, soidad ma scho schaung daß da Spaß-Deife ned zsehr zuaschlogd. Trotzdem deafs scho a bissal lockana zuageh wia in da deitschn Wikipedia.
- Dasprechend hod a beleidignder Schmarrn scho zwoamoi nix do herin valoan. Iaba Schimpfweata ois Begriff ko ma natürli trotzdem an Artikl schreibn, des soid dann aba scho am Wikipedia-Grundsatz vom neutraln Standpunkt entsprecha.
