Zeêland
From Wikipedia
|
|||||
 |
|||||
| Oôdstad | Middelburg | ||||
| Commissaoris van de Konienginne |
Wim van Gelder | ||||
| Belangriekste godsdienst(en) | protestant, katteliek | ||||
| Belangriekste streektaele(n) | Zeêuws, West-Vlaoms, Oôst-Vlaoms | ||||
| Oppervlakte - Land - Waeter |
tiende 1788 km² 1146 km² |
||||
| Inweuners - Totaol - Bevolkiengsdichteid |
elfde 379.948 (1-1-2005) 212 inw./km² |
||||
| Volkslied | Zeeuws volkslied | ||||
| Officiële website | http://www.zeeland.nl | ||||
Zeêland is 'n provincie van Nederland, die-a in 't zuudweste van 't land leit. Ze grenst an Zuud-Olland, Noord-Braebant en de Belgse provincies West-Vlaonderen, Oôst-Vlaonderen en Antwerpen. Mee 379.948 inweuners op 1 jannewari 2005 is 't nae Flevoland de dunst bevolkte provincie. Oôdstad is Middelburg. De taele vo ongeveer zesteg percent van de bevolkienge is 't Zeêuws.
[bewerk] Geografie
De geografie van de provincie is wè uniek in Nederland: vo 't groôtste deêl bestaet ze uut gewezen eilanden en uut waeter. Daervan is vanzelf de naem afkomstig. De vomaelige eilanden bin Schouwen-Duveland, Noord-Beveland, Flupland, Tole, Walcheren en Zuud-Beveland. 't Zuden van de provincie eêt Zeêuws-Vlaondere en is vasteland, awast is 't alleêne mee 'n tunnel of over Belgisch land te bereiken. De waeterwegten bin de Grevelienge, de Schelde (zie Oôsterschelde), de Onte (ok wel Westerschelde) en nog 'n antal kleinere waeterwegen, zoôas 't Veerse Meer. Te weste van de provincie lope de zeêarmen uut in de Noôrdzeê.
[bewerk] Gemeênten
Zeêland is opgedeêld in dertien gemeênten. Vroeger bin 't d'r meêr geweêst; de leste veranderienge ei plaesgevonde in 2003, as de gemeênten Sluus-Aerenburg en Wòstburg toet de nieuwe gemeênte Sluus wiere saemegevoegd.
|
|
