射雕英雄传
来自 吴语维基百科
《射鵰英雄传》（英文翻译成 The Legend of The Condor Heroes）是一部武侠小说，金庸“射鵰三部曲”个第一部。拨金庸小说个读者称为“侠文化个歌颂”。居小说拨多次改编成同名电视连续剧。
内容 |
[编辑] 出版情况
1957年到1959年，勒《香港商报》连载。最后定本一龙总40回，回目标题侪是四个字。
「射鵰英雄传」勒70年代末到80年代中台湾朆解严个辰光，勒台湾改名为大漠英雄传以方便出版。有人话改名是因为毛泽东个词《沁园春·雪》当中有：「一代天骄 / 成吉思汗 / 只识弯弓射大雕」，个咾犯禁。
[编辑] 背景设定
辰光勒南宋宁宗庆元五年到嘉定十四年左右, 公元1199年至1221年，出场个真实历史人物包括铁木真、全真七子等。
设定中当时武林五大绝顶高手 ( 五绝 )为东邪、西毒、南帝、北丐、中神通，涉及个武林秘籍是《九阴真经》。
[编辑] 主要人物
- 郭靖——郭嘯天之子，生勒蒙古。师傅是江南七怪、丹阳子马钰、北丐洪七公、周伯通。虽然鲁钝但极为忠义。擅长降龙十八掌搭空明拳。
- 黄蓉——东邪黄药师之女，碰拉郭靖之后搭伊成为情侣，一道闯荡江湖，后来子成为继洪七公之后个丐帮帮主。擅长落英神剑掌搭打狗棒法。
- 杨康——杨铁心儿子，从小勒金朝王府长大，原为长春真人丘处机之徒，后来拜梅超风为师。因贪恋富贵，叛国害民，最终惨死。
- 穆念慈——杨康个情人，杨铁心的养女，洪七公曾教伊一点点武功。
- 郭嘯天——郭靖之父，曾搭杨铁心结拜兄弟，死勒勒金朝王子完顏洪烈手浪。
- 黄药师——东邪，又称黃老邪，性情孤僻，行动怪异。伊文武兼备，才智超人，擅长落英神剑掌搭弹指神通。
- 欧阳鋒——西毒，心胸狭窄，作恶多端，身居西域白驼山，擅长蛤蟆功、灵蛇拳、搭透骨打穴法。
- 一灯——南帝，段智兴，原为大理国宣宗功极皇帝，退位之后出家为僧，擅长一阳指搭先天功。
- 洪七公——北丐，又称九指神丐。生性好吃懒做，但是英雄侠义。丐帮帮主，擅长降龙十八掌搭打狗棒法。
- 周伯通——全真教王重阳个师弟，江湖人称老顽童，生性天真烂漫，搭郭靖义结兄弟。擅长空明拳搭双手互搏之术。
- 江南七怪——以柯镇恶为首，是郭靖个开山师父。武功弗算高，但是称了上是英雄侠义之士。
- 全真七子——全真教王重阳个徒弟，擅长全真剑法搭天罡北斗阵。
- 梅超风——东邪黄药师之徒，搭师兄陈玄风私结夫妇，背叛师门，江湖上人称黑风双煞，擅长九阴白骨爪搭摧心掌。
- 裘千仞——铁掌帮帮主，擅长铁掌搭“水上飘”轻功。
[编辑] 参看
- 武侠小说
