力学

来自 吴语维基百科

力学是物理学个一只分支，俚主要研究物体受到外力或者勒拉变形辰光个行为，搭仔俚反过来引起个对环境个影响。

研究该星规律个人呢，就叫俚力学家。

内容 1 意义搭仔重要性 2 经典力学 vs. 量子力学 3 爱因斯坦力学 vs. 牛顿力学 4 力学实体个种类 5 力学里向个子学科 5.1 经典力学 5.2 量子力学 6 别个搭界个条目 7 专业组织 8 外部链接

[编辑] 意义搭仔重要性

力学是物理学里向顶顶根本个规律。俚主要处理人觉着个该个宏观世界，为之讲是关于自然世界个一个交关大个知识实体。宇宙当中个所有物质勒拉四个基本相互作用（或者讲“力”），也就是重力、强相互作用、弱相互作用搭仔电磁相互作用下底个运动，侪拨拉力学包含勒许。

力学也是所谓技术个核心之一。技术呢，也就是拿物理知识用到人类社会个发展浪。勒拉该个层面浪个规律，一般性叫俚工科或者应用力学。勒拉搿个层面浪，力学就好拿得来设计搭仔分析结构、机制搭机器个行为。搿个领域里向个重要个分支，像机械工程、航天工程、土木工程搭仔生物力学侪是力学里向衍生出来个。

[编辑] 经典力学 vs. 量子力学

力学主要好分成所谓个经典力学搭仔量子力学。

从历史浪来讲，经典力学先产生，而量子力学是只相对晏到个发明。经典力学比有文字记载个历史还要来得早，而量子力学一脚要到1900年再出世。普遍浪认为，俚笃组成着现有个对物理本原顶顶靠得住个认识。经典力学外加拨看成是别个所谓严格科学个样板。勒拉该个方面，理论当中数学浪个严格推导，搭仔勒拉产生搭验证搿星理论辰光实验勒许扮演个决定性个角色，是弗可或缺个。

量子力学呢，勒拉顶顶阔个范畴浪，勒拉俚个形式浪，好看成是拿经典力学作为一只子规律包括勒许；该只子规律呢，只好勒拉一定个限制条件下头成立。根据相似性原理，俚笃内部并呒拨啥矛盾，只勿过各自勒拉特定个条件下头成立。虽然讲历史浪量子力学拨人认为是对经典力学个取代，实际浪，只好勒拉假设搭仔理论基础层面浪再好实梗讲法。勒拉一般性个实际问题当中，归星量子力学解决起来杀鸡用牛刀繁难到要命个问题，经典力学就好解决，为之讲，经典力学还是派得上用场个，外加还用得蛮灵。

[编辑] 爱因斯坦力学 vs. 牛顿力学

搭仔量子力学搭经典力学个关系差弗多，爱因斯坦个广义相对论搭仔狭义相对论勒拉牛顿力学搭仔伽利略力学个基础浪扩展仔力学个范畴，并且对俚笃个理论做着眼小订正。量子力学也要相对论个订正，虽然讲相对论拨归到经典力学里向。

只要当心特定个边界条件，搿个两家头之间就呒拨啥矛盾或者讲冲突。就像勒拉顶顶宽松个意义浪，好拿经典力学搭仔量子力学分别描写成功是处理“大”实体（像引擎部件咾啥）搭仔处理“小”实体（像微粒咾啥），个末也好实梗讲法，相对论力学搭仔非相对论力学是分别用得来处理“快”实体搭仔“慢”实体个。必过，该答个“快”搭仔“慢”侪是相对个概念，决定于观察者个运动状态。搿个也就是讲，所有个力学，弗管俚是经典还是量子，描写起来侪要用着相对论个观点。必过勒拉另外一个方面，作为观察者，俚可以适当个频繁改变俚个位置，实梗呢搿个相对论个考虑也是弗一定必要个。

[编辑] 力学实体个种类

[编辑] 力学里向个子学科

[编辑] 经典力学

[编辑] 量子力学

[编辑] 别个搭界个条目

[编辑] 专业组织

• 应用力学部, 美国机械工程师协会
• 流体动力学部, 美国物理协会

[编辑] 外部链接

部落:

• Mechanics Blog by a Purdue University Professor
• Mechanics Blog by a Group of University Professors
• The Mechanics program at Virginia Tech

• The new mechanical effects by Veljko Milković