Hastings Kamuzu Banda
From Wikipedia
Ngwazi Dr. Hastings Kamuzu Banda wakaba munthu wakwamba kuba mlongozgi (president) wa chalo cha Malaŵi. Dr. Banda wakawako mu March mu chaka cha 1898 ku Mtunthama mu Boma la Kasungu. Wati wakumana na bazungu awo bakaba batebeti ba Chiuta (missionaries) bakufuma ku Scotland ba mpingo wa Church of Scotland uwo sono ku Malaŵi wukuchemeka CCAP (Church of Central Africa Presbyterian) mu chaka cha 1905 mu mwezi wa chinkhondi na chibiri (July) Dr. Banda wakatemwa chomene masambiro ndipo wakaluta ku School iyo yikaba ku Khondowe uko sono kukuchemeka Livingstonia. Chifukwa chakutemwa masambiro, Mu chaka cha 1915 mu April, Dr. Banda wakanyamuka ku Malaŵi kuluta ku Rhodesia (sono Zimbabwe) uko wakafumako mu December 1916 kuluta ku South Africa. Wakagwirapo zintchito nakupanga masambiro ku South Africa mpaka mu July 1925 apo wakaluta ku America uko wakapanga masambiro ya ung'anga wachizungu (Doctor of Medicine)ayo wakapangira ku Meharry Medical College, ku Nashville, mu chigaba cha Tennesse ku America ndipo wakamalizga my May 1937. Mu August 1937 Dr. Banda wakaluta ku chalo cha baNgerezi uko wakalutizga masambiro yake ya uDoctor ku Liverpool mu July 1941 na London mu May 1945. Wati vyalema kukhala na bazungu Dr. Banda wakaluta ku Kumasi ku Ghana mu August 1953. Ndyale za ku Nyasaland zikati zasuzga Dr. Banda wakawelera ku Nyasaland pa 6 July 1958. Pa 6 July 1964 Nyasaland wakaba mwanangwa ndipo wakasintha zina kuba Malaŵi. Dr. Banda wakaba nduna yakwamba (Prime Minister) wakwamba na mmoza pera wa chalo cha Malaŵi. Malaŵi wakatola wanangwa wake wose pa 6 July 1966 apo Dr. Banda wakawa mlongozgi (President) wake. Dr Banda wakaba mlongozgi wa Malaŵi mpaka mu May 1994 apo mnkhungu wambula masambiro, Bakili Muluzi wakawa mlongozgi. Mu May 2004 Muluzi wati watondeka kusintha malango ya Malaŵi (constitution) kuti wabe mlongozgi vyaka vinandi Bingu wa Mutharika wakasoleka kuba mlongozgi wachitatu wa Malaŵi. Dr. Banda wakatukula Malaŵi chomene ndipo wakazenga vinthu vinandi nyengo iwo wakaba mlongozgi wa Malaŵi. Wakazenga school yapachanya chomene ya Kamuzu Academy ku Mtunthama uko wakawira iyo yikajulika pa 21 November 1981. Wakazenga University of Malaŵi na nyumba za Boma na vinthu vinyake vinandi. Dr. Banda wakatayika pa 25 November mu chaka cha 1997. Sono boma la Malaŵi lamuzengela Kamuzu dindi liweme ilo lijulikenge ku banthu sono-sono. Dindi ili lili pafupi na malo yakukumbukilapo bakufwa pa nkhondo (War Memorial) ya ku Lilongwe. Mulongozgi Bingu wa Mutharika wakuyezga-yezga kuti wabe nge ni Kamuzu kweni kuti wafikengepo pa Nkhwantha iyi yayi. Nimwana chomene pa mahala kwa Kamuzu.
