Samoa
From Wikipedia
O Samoa o se atunuu laitiiti lava. Mai le taimi muamua, e lua ni motu tetele sa faapena ona iai. O igoa la nei o Motu Samoa i Sisifo lea ua faaigoa o Samoa ma Samoa i Sasa'e lea, ua faaigoa ia American Samoa
O motu e valu o Samoa: Savaii, Upolu, Manono, Apolima, Nu'usafee, Fanuatapu, Nu'ulua, ma Nu'utele. E 180,000 le aofai o tagata i nonofo i totonu o Samoa.
E pule Samoa i lana minista o le Malo Samoa (Minista o nei taimi) Tuilaepa Sailele Malielegaoi. O le Tama ma Ao O Le Malo mo Samoa, o Malietoa Tanumafili II. Sa tu'to'atasi Samoa i le tausaga 1962. Ua manumalo Samoa i le tutoatasi ua lana pule anamua, Niu Sila. O Samoa o le Atunuu muamua i le Pasefika na ia uluai maua le Tutoatasi ao i lalo ai o le vaavaaiga a Niu Sila.
E lua gagana ua mafai ona faaogaina i Samoa, o le Gagana Fa'aperetania (English) ma le Gagana Faasamoa (Samoan).
O le taulaga o Samoa o Apia, i le motu o Upolu. E 38,800 tagata e nonofo i totonu o le taulaga o Apia. O le aai sili o Amelika Samoa o Pagopago, i le motu o Tutuila.
O tagata Samoa uma i le lalolagi e nonofo i Samoa, Amelika Samoa, Fiti, Tonga, Niusila, Ausetalia, Amelika, Europa, ma isi atunuu pei o Iapani, ma isi atunuu.
O Samoa o se atunuu Lotu Kerisiano. O lotu o i totonu o Samoa o le Lotu Katoliko (Lotu Pope), Lotu EFKS, Lotu Mamona, Lotu Metotisi, ma tele o isi tama'ilotu kerisiano eseese ua faapena ona oo mai i totonu o Samoa. Sa i ai nisi atua sa faapena ona tapuai ai Samoa i aso ua mavae. Ao le taimi nei, ua nao le toatasi lava le Atua ua faapena ona ifo taele ma tapuai a i tagata O Samoa ua nao le Tama o i Le lagi, le Atua, o le na faia i tatou i le faavae o Samoa, o loo faapea ona tusia ai upu nei: E fa'avae i le Atua Samoa.
