Britney Spears

Di Wikipedia, e ensiklopedia liber

E artíkulo aki ta skibí na papiamentu. Lo ta apresiá si por mantené e artíkulo aki na estilo di papiamentu.

---

Britney Spears ta un kantante Merikano. E a nanse 2 di desèmber 1981.

Kontenido 1 Biografia 2 Diskografia 2.1 Albumnan 2.2 Singles 3 Linknan eksterno

[editá] Biografia

Britney Spears a nanse na Kentwood, Louisiana, Merka. Su mayornan, James Parnell Spears (a nanse den 1952, profeshon: kontraktista) i Lynne Irene Bridges (a nanse den 1956, profeshon: ex-dosente), ta divorsiá. Su rumannan ta Jamie Lynn Spears (1991) i Bryan (1977).

Britney su promé single ...Baby One More Time a aparesé na final di 1998. E kantika tabata un hit global; den kasi tur país e kantika a yega number 1. Di e single, mas ku 3.8 mion kopia tabata bendí, 2.2 mion den Inglatera i Merka. No hopi despues, su promé album ku tambe yama ...Baby One More Time a aparesé. E album tabatin éksito igual. Más ku 28 mion kopia di e album tabata bendí, mas ku 14 mion den Merka. Otro single di e album tabata (You Drive Me) Crazy, Sometimes, Born to Make You Happy, i From the Bottom of My Broken Heart.

E siguiente album, Oops!... I Did It Again, a aparesé den 2001. E album tabata tin un éksito ku parse esun promé. E promé single di e album, Oops!... I Did It Again, tambe tabata un éksito grandioso, e kantika a yega number 1 den hopi país anto di dje mas ku 1.5 mion tabata bendí. Di e album mes, mas ku 24 mion tabata kumprá.

Despues di su di tres album Britney (2001), ku tabata sumamente menos eksitoso kompará ku e promé dos albumnan (mas ku 8 mion), Britney a disidí di pone mas atenshon riba su promé pelíkula ofisial, Crossroads. Den e pelíkula, Britney ta hunga e ròl di Lucy, un mucha ku a kaba di kaba skol anto ku ke hasi un kos di sumes, lugá su tata tin tur kos planiá kaba. E ta disidí di bai foi kas ku dos otro amiga anto ta bai L.A., pa hasi oudishon pa bira kantante. Durante nan trip, nan ta pasa den yen di kos; Lucy ta haña sa ku un di su amiganan (Mimi) ta na barika, nan ta haña nan mes tin ku kanta den un bar pa sen, ora e topa su mama (paso esaki tabata su motibu mes), e mama ta bise ku e no tabata nada di haber kune for di dia ku e a nanse, nan ta haña sa ku ta Kit (e otro amiga ku a bai) su frei a abuzá Mimi seksualmente. E pelíkula a produsí mas ku $37 mion na Merka.

Durante su break, banda di e frakaso di e pelíkula, e mester a pasa dor di kiebro di kurason; Justin Timberlake a kibra e relation kune. Den 2003, Spears a bini bèk ku su di kuater album kaba, In the Zone. E promé single di e album ta un kolaborashon ku Madonna, Me Against the Music. Otro singlenan ku a aparesé despues ta Toxic ku Everytime. Britney tabata pa bini ku mas single, pero pasombra e a frakturá su rudia filmando e video clip di su di kuater single Outrageous, e mester a para esei. Den 2004, Britney mester a bini ku un otro album, pasombra e tabata tin un 5-album kontrakto ku Jive, ku lo kaduká e aña ei mes. Pa e motibu aki, e a disidí pa sali ku Greatest Hits: My Prerogative, un album ku tur su hit singles. Riba 18 novèmber, Spears a kasa ku Kevin Federline. E siguiente aña, nan a haña un yu, Sean Preston Spears Federline (14 sèptèmber 2005). Fin di 2005, Jive Records mes a disidí di mix Spears su kantikanan anto saka un album. Esaki a bira B in the Mix: The Remixes. Britney mes a bisa ku e ta bini bek ku un album fin di 2006, pero paso ku e a haña un yu mas, e album ta wordu expecta te den 2007.

[editá] Diskografia

[editá] Albumnan

• 1999 – ...Baby One More Time
• 2000 – Oops!... I Did It Again
• 2001 – Britney
• 2003 – In the Zone
• 2004 – Greatest Hits: My Prerogative
• 2005 – B in the Mix: The Remixes

[editá] Singles

Di ...Baby One More Time:

• 1998 – ...Baby One More Time
• 1999 – Sometimes
• 1999 – (You Drive Me) Crazy
• 1999 – Born to Make You Happy
• 2000 – From the Bottom of My Broken Heart [Merka so]

Di Oops!... I Did It Again:

• 2000 – Oops!... I Did It Again
• 2000 – Lucky
• 2000 – Stronger
• 2001 – Don't Let Me Be the Last to Know

Di Britney:

• 2001 – I'm a Slave 4 U
• 2001 – I'm Not a Girl, Not Yet a Woman
• 2001 – Overprotected [The Darkchild Remix] [Merka so]
• 2002 – Overprotected [Pafó di Merka]
• 2002 – I Love Rock & Roll
• 2002 – Anticipating [Fransia so]
• 2002 – Boys [the Co-Ed Remix] [Oropa so]

Di In the Zone:

• 2003 – Me Against the Music
• 2004 – Toxic
• 2004 – Everytime
• 2004 – Outrageous [Merka so]

Di Greatest Hits: My Prerogative:

• 2004/2005 – My Prerogative
• 2005 – Do Somethin'

Di Britney & Kevin: Chaotic [DVD]:

• 2005 – Someday (I Will Understand) [Oropa so]

Di B in the Mix: The Remixes:

• 2005/2006 – And Then We Kiss [Asia so - no ta un single official]

[editá] Linknan eksterno

• Site ofisial
• Britney Türkiye Sitesi - House of Britney
• EssentialBritneySpears Fansite di Britney Spears
• Britney Spears Fansite di Britney Spears