Dialek Cirebon/Indramayu
Sekang Wikipédia, Ènsiklopédhi Bébas basa Banyumasan: dhialék Banyumas, Tegal, Cirebon karo Jawa Serang/Banten lor.
Kabupaten Cirebon | Kota Cirebon | Kabupaten Indramayu
--- 
--- 
[sunting] Prakata
Sub dialek Cirebon / Indramayu utawa biasa diarani Basa Crebon / Dermayu kuwe salah siji sub dialek kelompok basa Jawa wilayah kulon. Sub dialek kiye dituturaken nang kabupaten Cirebon karo kabupaten Indramayu Jawa Barat uga nang kota-kota Pantura Jawa Barat antarane Cilamaya (Karawang), Blanakan, Pamanukan, Pusakanagara (Subang), Indramayu, Cirebon, Losari Wetan, ngantek sebagian sisi kulon kabupaten Brebes, Jawa Tengah.
Gemiyen sub dialek kiye dituturaken kanggo urusan perdagangan nang pesisir lor Jawa Barat sebab jaman ganu kota Cirebon kuwe salah siji kota pelabuhan/bandar utama nang tlatah Jawa, kuwe sekitar abad 15 ngantek abad 17.
Sedurunge, sub dialek kiye padha baen karo dialek basa Jawa wilayah kulon liyane, perubahan mulai keton molai abad 17, dialek kiye molai kenang pengaruh budaya lokal karo pengaruh basa Sunda. Siki, dialek Cirebon / Indramayu esih tetap nduwe bentuk-bentuk dasar basa Jawa wilayah kulon utamane nang kalimat-kalimat karo tuturane sing wis ora dienggo maning nang tata basa basa Jawa Baku / Standar (Yogyakarta, Solo karo Semarang / Joglosemar).
Sebagian budayawan Cirebon duwe rasa khewatir sub dialek kiye mengkone bisa pudar merga kalah bersaing karo basa Sunda apamaning tlatah Cirebon/Indramayu secara administratif anane pancen nang Propinsi Jawa Barat. Alesan liyane program muatan lokal (Mulok) daerah nang sistem pendidikan nasional kuwe kiblate esih nang wilayah administratif Propinsi, dadi muatan lokal nang wilayah Cirebon/Indramayu ialah basa karo budaya Sunda.
