Filosofiya

From Wikipedia

La filosofiya es el estudio del pensamiento i la justifikasión de las kreensias; en definitiva, filosofar konsiste en pensar o razonar aserka del mundo ke mos rodea; ahora bien, esta aktividad tiene aspektos diferentes de otras ramas del konosimiento, en partikular de la sensia, puesto ke, mientras ésta desarroya un sistema de konosimiento konkreto -observasión, medisión, hipótesis i prediksión-,la filosofiya va más ayá i entra, por ejemplo, en el terreno de la Teolojiya, es desir, eksplora el kampo de las razones últimas, akéyas ke el hombre de forma tradisional ha atribuido a la divinidad. Por supuesto, en determinadas épokas histórikas la filosofiya i la teolojiya se han fundido i han sido una misma koza, filósofos komo San Agustín de Hipona o Santo Tomás de Akino teniyan una konsepsión del mundo ke suponiya la preeminensia del modelo kristiano komo fuente i finalidad de todo konosimiento humano; es más, en muestra époka el modelo de konosimiento sientífiko es el predominante. No sólo la relijión ha intentado limitar la filosofiya, tambyen lo han hekho, o lo hasen, regímenes polítikos ke podemos yamar de pensamiento úniko, es desir, akeyos ke, por un motivo o por otro, limitan las libertades humanas y, por supuesto, la libertad de kreensias i opinión.

Es el kehaser mas propiamente humano, porke nase de un saber universal kuya aktitud de kontemplasión refleksiva esta orientada hasia la fundamentasión intelektual de todo saber, produsiendo un orden partikular de konosimientos.

La etimolojiya de la palabra filosofiya mos informa de su esensia, filosofiya signifika amor a la sabiduriya. Por tal motivo, uno de los temas espekifikos de la espekulasión filosofika versa aserka de desir -y de intentar demostrar, en su kaso- en ké konsiste la sabiduriya.