Dialektologija

Z Wikipedije

Dialektologija je dźělny wobłuk rěčespyta, kotryž zaběra so z rěčnymi wariacijemi w geografiskim rumje. Jeho předmjet su dialekty. K nazornej prezentaciji wužiwaja so husto rěčne atlanty, w kotrychž zarysuje so wustupowanje dialektalnych leksemow, fonetiskich resp. fonologiskich kaž tež morfologiskich a syntaktiskich zjawow do geografiskich kartow.

Znaći serbscy dialektologojo su (běchu): Arnošt Muka • Frido Michałk • Helmut Faska • Helmut Jenč • Pawoł Wirt •

Dotal najwuznamniše serbske dialektologiske dźěło je Serbski rěčny atlas, w kotrehož prěnich dźesać zwjazkach předstaji so dialektalna leksika. Zwjazkaj 11. a 12. wěnujetaj so morfologiji, 13. a 14. fonetice/fonologiji a 15. syntaksy serbskich dialektow.

[wobdźěłać] Literatura

Serbski rěčny atlas = Sorbischer Sprachatlas (zwj. 1-15, wobdźěłali H. Faska, H. Jentsch a F. Michałk) Budyšin: LND, 1965-1996.

Sorbische Dialekttexte (zwj. 1-10, wobdźěłałoj H. Faska a F. Michałk), Budyšin: LND, 1963-1972.

Faßke, H., Die Vetschauer Mundart (= Spisy Instituta za serbski ludospyt 19). Budyšin: LND, 1964

Jentsch, H., Die sorbische Mundart von Rodewitz/Spree (= Spisy Instituta za serbski ludospyt 47). Budyšin: LND, 1980.

Michalk, S., Der obersorbische Dialekt von Neustadt (= Spisy Instituta za serbski ludospyt 15). Budyšin: LND, 1962.