Xanten
El Vikipedio
| Geografia situo |
|---|
 |
| La blazono |
 |
| Bazaj informoj |
| Federacia lando: Nordrejn-Vestfalio |
| Administra distrikto: Düsseldorf |
| Regiona subdistrikto: Wezel |
| geografia situo: 51°40’N; 6°27’E Mapo |
| areo: 72,39 km² |
| enloĝantoj: 21.305 |
| loĝdenso: 294,3 loĝantoj/km² |
| horzono: GMT+1h |
| poŝtkodo: 46509 |
| retpaĝo: http://www.rathaus-xanten.de/ |
La urbo Ksanteno (germane Xanten) situas en Germanio ĉe la malsupra riverfluo de Rejno en la nordokcidento de Nordrejn-Vestfalio, kaj apartenas al la subdistrikta ĉefurbo Wesel.
Enhavo |
[redaktu] Historio
La Romi-, Katedral- kaj Sigfrid-urbo Ksanteno havas pli ol dumiljaran historion. Ĝi komenciĝas per la konstruo de fortikaĵo Castra Vetera kaj de urbo Colonia Ulpia Traiana ene de la Romia imperio kaj daŭras per la fondo de la monaĥejo de sankta Viktoro en la 8-a jarcento.
Post malfermiĝo de la arĥeologia parko kaj la libertempa centro Ksanteno en 1988 fariĝis la unua ŝtate agnoskita ripozloko en la administra distrikto Düsseldorf.
[redaktu] Esperanto
Inter la 27-a de decembro 2005 kaj la 3-a de januaro 2006 okazis en la junulargastejo Jugendherberge Xanten Südsee apud la lago Südsee (Suda maro) ĉe la ksantena kvartalo Wardt la 49-a Internacia Seminario (IS).
[redaktu] Vidindaĵoj
[redaktu] Konstruaĵoj
- mezepoka urbocentro kun inter aliaj:
- gotika katedralo de sankta Viktoro (Dom) kun abateja biblioteko kiu ekspozicias artokolektojn
- pordego Klever Tor
- Kriemhildmuelejo
- arĥeologia parko de Ksanteno (APX) - parte rekonstruita romia Colonia Ulpia Traiana kun inter aliaj:
- parte rekonstruita templo Hafen (tiel nomita pro la situo proksime de la haveno ĉe Rejno
- parte rekonstruita amfiteatro
- pilgrima preĝejo de sankta Maria Ĉieleniro en Marienbaum
- libertempa centro Freizeitzentrum Xanten (mallongigo FZX) - distra centro kun naĝejo, du plezuraj havenoj, instalaĵo por akvoskiado kaj aliaj aferoj
- regiona muzeo de Ksanteno
- amfiteatro en Birten
- akvokastelo Winnenthal ĉe Birten
[redaktu] Naturo
Natura parko Bislicher Insel estas unu el la malmultaj agrikulturaj pejzaĝoj de Germanio, kiu apartenas al la gravaj tranoktejoj de arktaj anseroj kaj donas hejmon al la sola kastoraro de la regiono ĉe malsupra Rejno.
