Kastoro

El Vikipedio

Zoologio > Mamulo > Ronĝuloj > Kastoredoj

?Kastoro
Troveblo de fosilioj: Malfrua Mioceno - Lastatempe

Amerika kastoro

Biologia klasado

Regno:	Animaloj
Filumo:	Ĥorduloj
Klaso:	Mamuloj
Ordo:	Ronĝuloj
Familio:	Kastoredoj
Genro:	Castor Linnaeus, 1758

Specioj

C. canadensis
C. fiber

La kastoro el la ordo de ronĝuloj kaj familio de kastoredoj troviĝas en la norda parto de Eŭrazio kaj Nordameriko. Ĝi havas dikan korpon, kun mallongaj kruroj kaj plata vosto remilforma 22-30 centimetrojn longa kaj 10-13 centimetrojn larĝa, Ĝi kun korpolongo de 74-130 centimetroj kaj meznombra korpopezo de 10 kilogramoj apartenas al grandaj ronĝuloj. La plej granda korpopezo de kastoro atingas 22 kilogramojn.

La kastoroj povas konstrui en rivero aŭ lago digon kaj loĝejon, pro tio ili estas rigardataj kiel inĝenieroj en la animala mondo. Ili ŝatas loĝi ĉe akvorando kaj konstruas la elirejon de sia loĝejo sub akvo malfacile troveblan. Se la medio ne estas ideala, ili konstruas digon por bari akvon. La digoj estas konstruitaj per koto, ŝtonetoj, lignostumpoj kaj branĉoj, kaj longas meznombra pli ol 20 metrojn, iuj eĉ pli ol 600 metrojn. Kastoroj ofte riparas la digojn. Same kiel digoj, iliaj loĝejoj en arkoformo estas konstruitaj per branĉoj kaj koto. La dormejo estas ordinare super la akvonivelo kaj havas unu aŭ plurajn elirejojn kondukantajn sub akvon. Kastoroj loĝas grupe, kun familio kiel unuo. Ili vivas harnionie kaj laboras kune en konstruado de digoj.

Ili pariĝas en januaro kaj februaro kaj riaskas en aprilo kaj majo, ĉiufoje 2-4 idojn. La kastoroj estas lertaj en naĝado. Ambaŭflanke de ilia anuso estas po unu glando, kiu povas sekrecii aromaĵon. Ili, per siaj grandaj kaj akiraj dentoj, povas mordofaligi arbon. Ili manĝas ĉefe arboŝelojn, ŝosojn, arbajn foliojn kaj radikojn kaj diversajn akvajn plantojn. Por konservi nutraĵojn por vintro ili morde faligas junajn arbojn, faras ilin en kelkajn partojn kaj kolektas ilin al la akvorando. Tial oni povas trovi abundajn tiajn manĝaĵojn eĉ en iliaj loĝejoj. La kastoroj bredataj povas vivi 15-20 jarojn.