Unesko
El Vikipedio
Unesko (Organizaĵo de la Unuiĝintaj Nacioj por Edukado, Scienco, kaj Kulturo) estas Esperantigo de UNESCO, la anglalingva mallongigo de la plena nomo. Eblas ankaŭ interpreti ĝin kiel akronimon de "Unuiĝint-Naciara Edukada, Scienca kaj Kultura Organizo".
Unesko fondiĝis la 16-an de novembro 1945. Ĝi havas centran oficejon en Parizo, Francio, kaj 73 sub-oficejojn en diversaj partoj de la mondo.
Ĝia konstitucio adoptiĝis dum la Londona Konferenco en novembro de 1945 kaj efektiviĝis la 4-an de novembro 1946, kiam 20 ŝtatoj deponis akceptilojn.
Unesko nun havas 188 membrajn ŝtatojn kaj 6 kunrilatajn ŝtatojn.
La ĉefa celo de Unesko estas kontribui al paco kaj sekureco en la mondo per instigi kunlaboradon inter nacioj per edukado, scienco, kulturo kaj komunikado por antaŭenigi universalan respekton por justeco, por la regado de juro, kaj por homaj rajtoj kaj fundamentaj liberecoj, kiuj estas konfirmitaj por la popoloj de la mondo, sendepende de raso, sekso, lingvo, aŭ religio, laŭ la Ĉarto de la Unuiĝintaj Nacioj.
Universala Esperanto-Asocio havas oficialan rilaton kun Unesko. Parto de tiu kunlaboro estas traduki dokumentojn al Esperanto por pli vasta diskoniĝo.
[redaktu] Vidu ankaŭ
[redaktu] Eksteraj ligoj
- La TTT-ejo de Unesko (angle, france, hispane, ruse, arabe, kaj ĉine)
- Monda heredaĵo
