Ruĝdorsa lanio
El Vikipedio
Zoologio > Vertebruloj> Birda klaso > Paseroformaj birdoj > Laniedoj > Ruĝdorsa lanio
La ruĝdorsa lanio (Lanius collurio) estas birdo el familio laniedoj. Ĝi grandas 16-18 cm kaj havas dikan, hokfinan bekon.
La masklo havas kaŝtanbrunan dorson, blugrizan kaposupron kaj pugon. La larĝa okulstrio estas nigra, la gorĝo blanka, la korposubo blanka kun rozkolora nuanco. La vosto estas nigra, la randaj vostoplumoj estas parte blankaj.
La femalo - en ordinaraj cirkonstancoj - ne havas la nigran okulstrion, grizan korposupron. Ĝia dorso estas pala rusta-bruna. Ĝi korposubo estas flaveta kun ondaj, brunaj krucaj strioj.
La junbirdoj similas al la femalo, sed ilia plumaro estas pli ruĝa.
La ruĝdorsa lanio flugas rekte; ĝi kelkfoje flugstaras aŭ glisas sube por kapti la predon. Ĝi plej ofte kaŝobservas de sur elstaranta branĉo.
Ĝi manĝas insektojn, malgrandajn ranojn, lacertojn, musojn, sorikojn kaj birdetojn. Ĝi ofte dornopikas la kaptitajn nutraĵojn kaj ofte kolektas tre abundan nutraĵaron por mizeraj tempoj, se abundas la predaro.
Ĝia voĉo estas raspa "ĉet, ĉek", ĝia kanto estas mallaŭta, belsona pepado, en kiun ĝi plektas la klakantajn voĉojn kaj imititajn kantojn de aliaj birdoj.
Ĝia vivloko estas la arbustaj areoj, apudvojaj heĝoj, makisoj. Ĝi konstruas neston sur arbustoj aŭ arbedoj, relative sube dum 4-6 tagoj kaj la femalo dematas 5-7 ovojn.
Ĝi estas migranta birdo, ĝi nur somerumas en Eŭropo, la unuaj maskloj alvenas fine de aprilo, komence de majo el Afriko. Ĝi preskaŭ malaperis en okcidenta Eŭropo pro evoluo en la agrikulturo (la troa agrobaza apogo instigis intensan ekuzon de malbonaj agroj). En Hungario nestas 600.000 paroj, kiu estas 30 % de etato de ruĝdorsa lanio en la Eŭropa Unio.
La ruĝdorsa lanio iĝis en 2006, la birdo de la jaro en Hungario.
 |
 |
 |
[redaktu] Eksteraj ligiloj
http://www.rozhlas.cz/hlas/pevci-p/_zprava/12139- http://images.google.com/images?q=Lanius+collurio
- http://www.natur-lexikon.com/Texte/SM/001/00025-neuntoeter/SM00025-neuntoeter.html
- http://www.halleseite.de/vogelarten/arten/Neuntoeter/neuntoeter.htm
 |
Ĉi tie estas aldonaj bildoj por la artikolo. Vi povas helpi al Vikipedio se vi elektos la taŭgajn bildojn kaj metos ilin en la artikolon. |
