Purpura ardeo
El Vikipedio
La purpura ardeo (Ardea purpurea) estas birdo el la ardeedoj, kun grando de 78 cm. Ĝia korpo estas iom pli malgranda, la koloriteco estas iom pli malhela ol tiuj de la griza ardeo.
Ĝi kurbigas la kolon serpente. La dorso kaj la flugiloj estas malhelgrizaj, sur la ŝultro troviĝas longaj, subenpendiĝantaj kaŝtanbrunaj kaj grizaj ornamplumoj. La ornamplumoj de la kaposupro kaj la nuko estas nigraj.
Oni povas vidi longan, nigran strion sur la kaŝtanruĝa kolo. La brusto estas kaŝtanruĝa, la ventro nigra. La junbirdoj estas rustobrunaj, sur ties kolo kaj kolo ne troviĝas la nigra strio, la ventroflanko estas flavbruna.
Se ĝi flufgas, la entirita kolo pli bone konveksiĝas, la postetenditaj kruroj ŝajnas pli longaj ol tiuj de la griza ardeo. Ĝi malofte flugas sur arbon.
La voĉo de la purpura ardeo estas „khrek", pli alta ol tiu de la griza ardeo.
Ĝi vivas en marĉoj, aliaj akvaj lokoj, sed ne ŝatas la malkaŝajn akvojn. Ĝi serĉas la nutraĵon inter densa plantaro. Ĝi nestas kolonie kun alispeciaj birdoj inter densa fragmitaro.