Fragmito
El Vikipedio
Fragmito (genro Phragmites el graminacoj) estas plurjaraj herboj, el kiuj la plej konata estas en Eŭropo la kutima fragmito (Phragmites communis), kiu kreskas en marĉoj kaj kreskas 2-5 metrojn alta. Ĝi havas lancetformajn laŭgrande pintiĝintajn foliojn kaj 30 cm longan tirson el floroj ĉirkaŭataj de arĝente brilaj haroj. La tigoj uzatas por tegi tegmenton, por fari matojn kaj konstrumaterialojn por domoj. Ĝi uzatas ankaŭ por paperproduktado.
La specioj de la genro vivas dismonde, escepte de la arktaj areoj kaj ĉe la marĉoj de Amazonio.
La planto estas akvoŝatanta kun stolonoj, kiuj kreskas pli ol 10 metrojn kaj formas kelkfoje naĝantan insulon. La plej konata medio por la planto estas 0-3 m akvoprofundo. Ĝi floras fine de somero kaj oni uzas la sekan floraron por ornamado.
Al ĉi-tiu artikolo ankoraŭ mankas la tabelo pri la biologia klasado. Vidu je Betulo aŭ Kvokao por ekzemploj.
[redaktu] Eksteraj ligiloj
- http://www.invasiveplants.net/invasiveplants/phragmites/PNAS.pdf
- http://www.geocities.com/HotSprings/Bath/6482/Hebrew/plants/kane.html
- http://www.botanischerverein.de/pdf/pflanzenportraits/phraus.pdf