Persa kato
El Vikipedio
Persa kato estas raso de kato, kiu distingiĝas precipe per siaj longaj fajnegaj silkecaj haroj, kaj kapo pli plata kaj ronda ol tiu de aliaj rasoj. Ĝiaj okuloj estas oranĝaj, bluaj aŭ verdaj.
[redaktu] Deveno, historio
Malgraŭ sia nomo la raso estis ekbredita en Anglio en la 19-a jarcento de ankaraj katoj kun hararo eĉ pli longa. La persa kato distingiĝas de ankaraj kaj similaj karoj precipe per la pli plata formo de la kapo.
[redaktu] Oficiala normo, diversaj koloroj
Persaj katoj havas diversajn kolorojn. Se ili havas unu koloron, ĝi estas blanka, nigra, ruĝa, blua, ĉokoladbruna; alie ili povas prezenti miksaĵon el tiuj ĉi koloroj, estante katoj du- aŭ tri-koloraj (notinde, nur la femaloj estas trikoloraj). Tiuj de tipo ĉinĉila estas arĝente blankaj aŭ orecaj. Notinde, la unukoloraj persaj katoj normale havas bronzo-kolorajn okulojn, sed ekzistas variantoj, precipe blankfelaj, kun bluaj aŭ verdaj okuloj. Tiaj ekzempleroj ne atingas la ecojn por esti ekspoziciataj aŭ por kvalite reprodukti sian rason.
[redaktu] Karaktero, sinteno
Ilia karaktero estas milda, kvieta, facile adaptiĝanta al cirkonstancoj, male al ties bildo ili estas tiom eksteramaj kaj "sport"amaj kiom la aliaj rasoj. Nur la emo ofta de iliaj posedantoj fari el ili luksajn aĵojn kredigas, ke ili estas pli fornosidaj.
Persaj katoj pli ol aliaj havas problemojn pri la spira aparato, inklude de la sinuso.
