Original video animation
El Vikipedio
Original video animation (オリジナル・ビデオ・アニメーション, orijinaru bideo animēshon) komune mallongigita OVA estas animeaj produktaĵoj tuj disponeblaj sub formo de videokasedo aŭ DVD sen antaŭa apero en kinejoj aŭ TV. Tiu anglalingva termino estas aparte uzata por aludi al la japanaj animeoj. En Usono plioftas la esprimo Direct-to-video.
La signifo de Original Animation Video (OAV) estas pli-malpli la sama, kvankam laŭvorte ĝi havas alian difinon. Nepras malgraŭ ĉio emfazi ke tiu ĉi esprimo estas uzata nur ekster Japanio, ekzemple en Usono kaj Eŭropo. Vidu la ĉi-teman eksteran ligon malsupre.
[redaktu] Historio
Animea konsumado fulmrapide fariĝis ege kutima japanie, kaj amasoj da fanatikuloj ekkaptis la plej novajn seriojn je freŝa apero. Ĉar la plejmulto de japanaj familioj jam posedis magnetoskopon, rapide ĝermis la ideo rekte aperigi la fikciaĵojn ĉe la videa merkato. Tiel, produktiĝis multaj animeaj serioj por la nura vendado, kaj tiuj rapide populariĝis. Kvankam la termino direct-to-video emis esti pejorativa en Usono, kromsignifante tro malbonan serion por meriti kinan aperon, la malo okazis en Japanio, kie tiaj videoj montriĝis nepraj pro la senĉesa demando de la publiko, kaj eĉ foj-foje riveliĝis ambiciaj fikcioj, kiu sukcese pli gravis ol la televidaj elsendaĵoj.
Multaj legendaj serioj aperis OVA-e, kiel interalie Bubblegum crisis aŭ Tenchi muyo!. Dum la usonaj direct-to-video ekaperis je la 1970-oj, Dallos, la unua japana OVA, ekestis jam en 1983, dank'al Oshii Mamoru. Multaj aliaj firmaoj enŝoviĝis en la OVA-a sukcesa ondo, kaj ties markato senhalte soriris ĝis la komencoj de la 1990-oj, kiam ĝi subite malsukcesiĝis precipe pro la ekonomika japana konjunkturo. Nuntempe estas malpli da originaj OVA, ĉar multaj nun postvenas televidaj serioj, kiel Hunter × Hunter.
[redaktu] Ekstera ligilo
- OAV versus OVA: what's the difference? de Lawrence Eng, 10-a de decembro 2004 (angle)
