Marlene Dietrich
El Vikipedio
Marlene DIETRICH [marlene ditriĥ] (naskiĝis la 27-an de decembro 1901 en Berlino, mortis la 6-an de majo 1992 en Parizo) estis germana aktorino kaj kantistino.
Ofte en la rolo de fatale erotika vampirino Marlene Dietrich fariĝis la sekssimbolo de la 1930-aj jaroj. Post sia unua granda sukceso (Der blaue Engel) ŝi en la jaro 1930 transloĝiĝis al Usono, kie ŝi subskribis 7-jaran kontrakton kun Paramount.
En 1939 ŝi fariĝis Usona civitanino. La politika situacio en nazia Germanio maltrankiviligis ŝin tiel, ke ŝi rifuzis ĉiujn ofertojn de germanaj filmentreprenoj kaj eĉ ne vizitis sian naskiĝlandon ĝis 1945. Post la Dua mondmilito Marlene Dietrich malofte rolis en filmoj, sed havis grandajn sukcesojn kiel kantistino de kanzonoj. En 1976 ŝi finis sian karieron sur la scenejoj de la tuta mondo kaj komencis verki siajn memoraĵojn. La lastajn vivojarojn ŝi pasigis tute retirite en Parizo.
[redaktu] Listo de filmoj:
- Der blaue Engel (Germanio, 1930)
- Morocco (Usono, 1930)
- Dishonored (Usono, 1931)
- Shanghai Express (Usono, 1932)
- The Scarlett Empress (Usono, 1934)
- Angel (Usono, 1937)
- Destry rides again (Usono, 1939)
- A foreign affair (Usono, 1948)
- Rancho Notorious (Usono, 1952)
- Witness for the Prosecution (Usono, 1958)
