Malateismo
El Vikipedio
[redaktu] Difino
Malateismo estas la kredo, ke por klarigi aŭ doni signifon al la kosmo kaj al nia ekzisto en ĝi necesas la antaŭa ekzisto de ia dio, aŭ similaĵo/similulo.
Ateistoj kutimas plendi, ke oni nomas ilin per negativa greka vorto, laŭvorte tradukebla kiel "ne-di-istoj". Ne bezonante la koncepton "dio" por io ajn krom por paroli pri religioj, kaj sciante ke tiu koncepto estas homa kultura kreaĵo historie spurebla de politeismo aŭ plurdiismo ĝis monoteismo aŭ unudiismo, ili sentas maljusta nomon, kiu faras el ili la malon, la neon de di-kredantoj.
En esperanto, tamen, oni povas rigardi la vorton "ateismo" kiel la primitivan koncepton, senkonsidere pri etimologio, kaj derivi el ĝi regule la vorton "malateismo", inkluzivantan politeismon, monoteismon, teismon, deismon, diismon kaj ĉiajn imageblajn formojn de di-kredado.
