Librotenado
El Vikipedio
Librotenado estas la registrado kaj ordigo de ĉiuj komercaj procesoj en ekonomia unuo (ekz. entrepreno, asocio aŭ fonduso) surbaze de pruviloj. Librotenisto enskribas ĉiujn fluojn de mono (en- kaj elspezojn) kaj de varoj por doni informojn al la entreprenisto kaj al eksteraj instancoj (ekzemple al impostkontrolistoj kaj revizoroj).
La librotenado estas bazo de la kontado. Ĉi-lasta ampleksas krom librotenado ankaŭ analizojn, statistikojn, komparajn kalkulojn kaj planadojn (taksojn de estontaj en- kaj elspezoj).
