Hunda Koro
El Vikipedio
Hunda Koro (ruse: Собачье сердце, elp. 'so-ba-ĉje ser-ce') estas novelo de Miĥail Bulgakov (1925) (ruse: Михаил Булгаков). Ĉefrolas la profesoro Filip Filipoviĉ Preobraĵenskij (Филипп Филиппович Преображенский), kies nomo devenas de la rusa vorto por metamorfozo, kiu enplantas homajn testikojn kaj hipofizon (pituitarian glandon) en senhejman hundon Ŝarik.
Enhavo |
[redaktu] Intrigo
Atentu: Kio sekvas, malkaŝas la intrigon de la rakonto.
Ŝarik tiam fariĝas pli kaj pli homsimila kaj post ioma tempo, elektas por si la nomon Poligrafo Poligrafoviĉ Ŝarikof (Полиграф Полграфович Шариков), faras karieron en la "fako por purigi la urbon de katoj kaj aliaj naŭzigaj bestaĉoj", kaj faras la vivon en la domo de la profesoro koŝmaro ĝis finfine la profesoro faros la malan operacion.
Malkaŝado de la intrigo de la rakonto jen finiĝas.
[redaktu] Inspiro de la novelo
La novelon verŝajne inspiris Dr. Faŭstus, Frankenŝtejno, La Insulo de d-ro Moreau, kaj tiutempaj eksperimentoj pri interspecia bredado de Ilja Ivanof kaj aliaj sovetaj esploristoj.
[redaktu] Eldona historio
Ĝi oficiale eldoniĝis en Sovetunio nur en 1987, pli ol sesdek jarojn post ĝia finverko, sed antaŭe koniĝis inter rusaj legantoj per samizdato. En 1968, en la traduko de Michael Glenny ĝin edonis en la angla Harvill Press.
[redaktu] Interpretado
La novelon oni interpretas aŭ kiel satiraĵon pri la ĝisradike utopiaj sovetaj klopodoj plibonigi la homan naturon, aŭ kiel moketan komenton pri sciencistaj provoj ŝanĝi naturon. Ĝenerale akceptata estas la interpreto ke Bulgakov klopodis montri ĉiujn malicajn sekvojn de la sistemo en kiu homo havanta la inteligenton de hundo povas fariĝi grava parto de socio (Ŝarikov); eble alia lia celo estis montri la homon kun forta personeco, kiu povas resti netuŝita de la sistemo kaj konservi sian sendependecon (Preobraĵenskij).
[redaktu] Opero kaj filmo
Amuza opero, The Murder of Comrade Sharik (La murdo de Kamarado Ŝarik) far William Bergsma (1973), baziĝas sur la intrigo de la rakonto.
Tre popularan sovetian filmon 1988 faris (en sepio) Vladimir Bortko. Gravajn epizodojn en la filmo oni filmigis de nekutime malalta hunda vidpunkto.
[redaktu] Cito-fontoj
- (angle) Bulgakov, Mikhail, Heart of a Dog, Grove Press; represita eldono (aŭgusto 1, 1987), (kun papera kovrilo)
