Hobito
El Vikipedio
Mitologio > Hobitoj < Tolkien < Literaturo
Hobito (< angle Hobbit [hobit]) estas fantazia estulo, unuavice aperinta en la verkoj de Tolkien, pli precize La Hobito, sed poste disvastiĝinta ankaŭ alikampen, en rolludoj k.s. El aliaj estuloj, ili plej similas al la Irlandaj Leprechaun. Hobitoj tre aspektas kiel nanaj homoj, ĉar ili nur atingas duonan alton de ordinara homo, kiel ili ankaŭ nomatas duonuloj. Hobitoj havas dikajn, gajajn vizaĝojn, hirtan hararon kaj pintetajn orelojn. Krome, dense kreskas ilia pied-hararo, eble ĉar ili kutime vagas nud-piede. Hobitoj origine vivas en grandaj familioj en mem-fositaj ter-tuneloj aŭ subteraj domoj kun rondaj fenestroj kaj pordoj. Ili prefere vestas sin natur-kolore, ĉu flave, ĉu verde. Ili ŝatas manĝi, ridi, kaj naturumi. Ili ne ŝatas maŝinojn kaj aferojn tro komplikajn.
Laŭ Tolkien la simileco inter jena kaj la vorto rabbit (kuniklo) estas tute arbitra. En iu teksto li donas kvazaŭan etimon por la vorto, kiu povus evoluinti el Anglosaksa holbytla (tru-konstruanto), kaj aliloke li mencias la nomon, per kiu la hobitoj distingis sin mem disde homoj: kuduk.
Se jam ekzistas alilingva samtema artikolo pli disvolvita, traduku kaj aldonu el ĝi.
 |
 |
 |
