Gustav Mahler

El Vikipedio

Gustav MAHLER estis komponisto kaj orkestra direktisto. Li naskiĝis en vilaĝo Kaliště proksime de urbo Humpolec, la 7-an de julio de 1860. Li mortis en Vieno la 18-an de majo de 1911.

Li estis filo de juda vendisto, sed poste li katolikiĝis. Ekde sia infanaĝo li montris grandan kapablon kiel pianisto. En 1875 lia familio traslokiĝis al Jihlava, kaj iom poste li eniris la konservatorion de Vieno. Lia profesoro pri pianludado, Julius Epstein, rimarkinte lian egan kapablon, instigis lin por studi komponadon kaj orkestran direktadon.

Mahler restis en la konservatorio ĝis 1878, kaj ĉeestis ankaŭ prelegojn far Anton Bruckner en la Universitato. Li partoprenis en konkurso pri operoj okazigita en 1880 per sia verko Das Klagende Lied, kiu poste estos transformata en kantaton; tamen li ne gajnis tiun konkurson kaj do dediĉiĝis al orkestra direktado. Kiel direktisto li laboris unue en malgranda somerteatro en Hall. Lia rimarkinda talento progesigis lin ĉiam plu kaj plu. Tiutempe li laboris en diversaj urboj: Ljubljano en 1881, Olomouc en 1882 kaj 1883, Casel en 1884, Prago en 1885, Leipzig ekde 1886 ĝis 1888, Budapeŝto ekde 1888 ĝis 1891, Hamburgo ekde 1891 ĝis 1897, kaj en Vieno, ĉe la Imperia Opero, ekde 1897 ĝis 1907, kie li estis ankaŭ arta direktisto dum kelkaj monatoj. Tamen li ne ŝatis la maĥinacioj okazantaj en la teatra medio kaj deziris okupiĝi komplete al komponado por koncertejoj kaj ne por teatro. Gustav Mahler edziĝis en 1902 al Alma Maria Schindler, konata kiel Alma Mahler. Ekde 1908 ĝis sia morto li estis direktisto de la Filharmonia Societo de Novjorko, sed li pasigis la somerojn en Aŭstrio.

Ĉefa verkaro:

[redaktu] Ĉefa verkaro:

Dek simfonioj, tiu lasta el ili nefinita, kaj kelkaj kun voĉaj partoj.
Das Lied von der Erde: Simfonio por mezosoprano, tenoro, solisto kaj orkestro.
Das Klagende Lied: kantato.
Lieder eines fahrenden Gesellen, Kindertotenlieder: Kanzonoj.
Tri libroj de liaj unuaj kanzonoj.
Kvin kanzonoj kun parolteksto far Friedrich RÜCKERT.
Muziko por Des Knaben Wunderhorn.
Multaj pliaj kanzonoj.