Esperanto-Centro Paderborn
El Vikipedio
Esperanto-Centro Paderborn estis esperanta eldonejo kaj libroservo fondita de Hermann Behrmann. Ĝi registriĝis kiel asocio laŭ germana juro en 1977. Ĝia antaŭulo estis la Esperanto-eldonejo en Löhne fondita en 1969. Nuntempe la asocio nomiĝas nur "Esperanto-Centro" kaj havas sian sidejon en Berlino. Ĝi ne plu eldonas librojn, sed daŭrigas la vendadon.
La centro eldonis unue la kurson Esperanto programita, poste ankaŭ tradukojn de Richard Schulz kaj librojn pri la Analiza Skolo.
Ĝia gazeto Speciala Cirkulero estis unue informilo por lernantoj de Esperanto kaj klientoj de la libroservo; ekde 1987 ĝi fariĝis ĉefe forumo de la Analiza Skolo. Nuntempe ĝi ne plu aperas.
