Richard Schulz
El Vikipedio
Literaturo > Esperantlingva literaturo > Richard SCHULZ - Germanaj esperantistoj
Richard SCHULZ [RIĥad Ŝulc] (naskiĝis je la 12-a de julio 1906 en Hamburg, mortis je la 26-a de oktobro 1997 en Minden) el Germanio estis gimnazia instruisto pri la franca. Esperanton li konis jam de junaĝo, sed aktiviĝis nur post la emeritiĝo. De 1979 ĝis 1987 li eldonis la Vestfaliajn Flugfoliojn (en la lastaj jaroj nomataj Vestfalujaj Flugfolioj), poste li publikigis interalie en la Specialaj Cirkuleroj de la Esperanto-Centro Paderborno de Hermann Behrmann.
Aŭtoro kaj tradukinto de beletraj kaj sciencaj verkoj, Schulz interesiĝis ankaŭ pri gramatiko kaj leksikologio. Li bazis siajn ideojn sur la lernolibro de Luis MIMO Espinalt kaj publikigis ilin sub la nomo Analiza Skolo. Al lia idearo apartenis interalie la radikala esperantigo de ĉiuj nomoj, sin mem li nomis esperantlingve Ŝulco Rikardo.
Schulz estis profesoro de AIS kaj kontribuis al pluraj ĝiaj studadsesioj.
Enhavo |
[redaktu] Listo de verkoj
[redaktu] Germanlingvaj verkoj
- Mein geliebtes Esperanto (1976)
- 'ne ältere Dame aus Preez (1977)
- Europäische Hochsprache oder Sprachimperialismus? : die Lösung des Sprachenproblems in den Ländern der Europäischen Gemeinschaften (1979)
- Was nun Esperanto betrifft... : Aufsätze und Vorträge (1986)
[redaktu] Esperantlingvaj verkoj
- Pledo por unueca lingvo (1985)
- Vespero jam fariĝis (1985)
- Sur la vojoj de la Analiza Skolo : esperantologia esearo (1987)
- Abyssos (1988)
- Leksara kolekto de ofte uzataj propraj nomoj (1989)
- La mago : agregaĵoj kaj pantunetoj (1989)
- Ĉirkaŭ la Skolo Analiza (1997)
[redaktu] Tradukoj
- Böll, Heinrich: La perdita honoro de iu Katarino Blum (1978)
- Morgenstern, Christian: Pendumilaj lidoj (1980)
- Morgenstern, Christian: Palmŝtrojmo (1983)
- La muzino (kolektaĵo de poemoj, 1992)
- Amuza legado pri Til' Strigospegul'
[redaktu] Kritikoj pri lia verkaro
- La poemo Banala rimportreto, de Jorge Camacho
- La idoligo de la senescepteco: Kritikaj rimarkoj pri la doktrino de la Analiza Skolo, de Helmut Welger
