Diakono
El Vikipedio
Diakono plenumas oficon en kristana eklezio.
En la katolika eklezio, la posteno de diakono estas la plej malalta el la tri klerikaj oficoj episkopo, pastro kaj diakono. La diakono havas i.a. la rajton prediki kaj bapti.
[redaktu] Promesoj en diakona ordino
Katolika diakono devas promesi dum sia ordino
- la pretecon, lasi sin ordini por servi al la eklezio
- plenumi la oficon de diakono en altruisma sindono, subtenante la episkopon kaj la pastrojn favore al la bono de la kristanaro
- konservi la trezoron de la kredo kaj diskonigi ĝin laŭ la evangelio kaj la tradicio de la eklezio per vortoj kaj faroj
- (se la kandidato ne estas edziĝinta) senedzinecon favore al la ĉiela regno
- preĝi la liturgion de la horoj (aŭ almenaŭ la matenan laŭdon kaj la vespron, se la kandidato ne alstrebas postan ordinon de pastro)
- helpi al la malriĉuloj, malsanuloj kaj suferantoj
- vivi sian propran vivon laŭ la modelo de Kristo
- respekton kaj obeemon al la episkopo kaj al ties posteuloj
Se la kandidato estas edzo, lia edzino devas promesi subteni lin en lia servado.
