Blua fazano
El Vikipedio
| Blua fazano | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
 |
|||||||||||||||||||||
| Biologia klasado | |||||||||||||||||||||
|
|||||||||||||||||||||
| Binoma nomo / Trinoma nomo / ktp. | |||||||||||||||||||||
| Lophura swinhoii
Gould 1863 |
La blua fazano (Lophura swinhoii) el la ordo de kokoformaj birdoj kaj familio de fazanedoj vivas nur en la montregionoj de Tajvano. La plumkresto kaj dorso de la birdo estas blankaj, la aliaj partoj de la supra korpo kaj la malsupra korpo estas nigraj kun brilanta blua koloro, escepte de ruĝaj ŝultroj. La kovraj plumoj de ambaŭ flugiloj estas nigraj kun verdaj plumpintoj. Escepte de paro da centraj vostoplumoj, kiu estas blanka, la ceteraj vostoplumoj havas nigran koloron kun iom da bluo. La femala-birdo surhavas brunruĝajn plumojn, punktitajn de diversformaj makuloj kaj strioj.
La birdoj loĝas en densaj arbaroj de montregiono 900-2 100m. super la marnivelo. Iam ili troviĝas en la loko 3 000 m. super la marnivelo kaj ankaŭ hazarde vidiĝas en densaj arbaroj de malalta loko. Ili estas silentemaj, kaŝemaj kaj rapidkuraj. Burĝonoj, junaj folioj, semoj, fruktoj, insektoj kaj ties larvoj estas iliaj ŝatataj manĝaĵoj. Ili parigas en marto kaj junio. Tiam la vangoj de la virbirdo estas kovritaj de verukoformaj tuberetoj, ĝiaj karnaj kresto kaj bekloboj ŝveliĝas kaj ruĝiĝas. Se du virbirdoj renkontiĝas, ofte okazas drasta batalo inter ili. Bluaj fazanoj konstruas neston surtere, kaj en sia nesto la femala birdo demetas 5-8 ovojn, kies ŝeloj estas kompaktaj kaj briletantaj laktflavete, iukaze kun blankaj makuletoj. La femala birdo plenumas sola la kovadon kaj nutradon de birdidoj. La kovado daŭras 24-26 tagojn. La jus eloviĝinta birdo pezas 25 g. kaj sin vestas per lanugo, sed sur ĝiaj flugiloj jam elkreskis plumkonusoj. 14-taga birdeto pezas 58 g. kaj jam povas bone flugi, tamen ĝia vostoplumaro tiam nur komencas kreski. 28taga birdeto jam havas sur si plumaron, escepte sur la kapo kaj nuko. Kaj 50-taga birdeto jam ne vestas sin per lanugo.
La blua fazano, kun belaj plumoj, estas porapreza birdo. La blankaj vostoplumoj de virbirdoj ofte estas uzataj kiel ornamajoj sur ĉapoj de lokanoj. La unua paro da vivantaj birdoj estis portita al Eŭropo en 1866. Pro la malfacila bredado bluaj fazanoj malmulte montriĝas en ĉinaj zooj.
