Ѡлегъ
From Wikipedia
Ѡлегъ (? - 6420).
Сѣде Ѡлегъ . кнѧжа в Кыєвѣ . и реч Ѡлегъ . се буди городом Рускымъ . и бѣша оу него Словѣни . и Варѧзи . и прочии прозвашасѧ Русью . се же Ѡлегъ нача городы ставит . и оустави дани Словѣнмо и Кривичемъ . и Мерѧмъ . и оустави Варѧгом дань даӕти . ѿ Новагорода ❙
- В лѣто . ҂s҃ . т҃ . ч҃а . 6391 ❙ Поча Ѡлегъ воєвати на Дрєвлѧны . и примучивъ ӕ . поча на них дань имать . по черьнѣ кунѣ ❙
- В лѣто . ҂s҃ . т҃ . ч҃в . 6392 ❙ Иде Ѡлегъ на Сѣвѧры . и побѣди Сѣверы . и възложи на нихъ дань легъку . и нє дасть имъ Козаромъ дани даӕти . рекъ азъ имъ противенъ . а вамъ не чему ❙
- В лѣто . ҂s҃ . т҃ . ч҃г . 6393 ❙ Посла Ѡлегъ к Радимичем ркѧ . кому дань даєте . ѡни же рѣша Козаром . и реч имъ Ѡлегъ . не даваите Козаромъ но мнѣ даваитє . и вдаша Ѡлгови по щелѧгу . ӕко же и Козаромъ даӕху . и бѣ ѡбладаӕ Ѡлегъ Деревлѧны . Полѧми . Радимичи . а со Оуличи и Тиверьци имѣӕше рать ❙
- В лѣто . ҂s҃ . у҃ . к҃ . 6420 ❙ Посла Ѡлегъ мужи свои построити мира . и положити рѧды межи ГрѣкыиРусью❙
