Ciudad de Zamboanga
Desde Chavacano de Zamboanga Wikipedia - El Libre Enciclopedia
El Ciudad de Zamboanga es un primera clase y mas de urbanizado clase de ciudad na Filipinas y uno tambien de maga primero que ya tiene estato na pais. El Commonwealth Act No. 39 que ya firma el antes presidente Manuel L. Quezon na Palacio de Malacañang del 12 de Octubre, 1936 ya crea y ya establice con este ciudad como un de estato clase de ciudad. El ciudad como se llama tambien el Orgullo de Mindanao y su palayaw como el Ciudad de Flores. Tambien llamao entre maga Zamboangueños como Zamboanga Hermosa y Bella Zamboanga. Esta tiempo, el gobierno local del ciudad ta promove con el ciudad na turismo como el Latino Ciudad de Asia.
El cumple año de este ciudad cada Octubre 12 amo tambien el fecha del fiesta del Pilar que ta celebra por el honor de santa patrona del ciudad, el Nuestra Señora, La Virgen del Pilar de Zaragoza quien su estatua grabao arriba y enfrente del Fuerza Pilar, un fuerte de piedra - llamado tambien na su maga primera dia como la Fuerza Real de San Jose - que ya planta el maga Español, bajo principalmente con el Padre Jesuito Melchor de Vera del 23 de Hunyo, 1635 como un defensa contra con el maga moro pirata na Mindanao. El Ciudad de Zamboanga es uno de maga mas viejo ciudad en las Filipinas y el con todo que tiene mas herencia Español. Este ciudad tambien es uno de maga bien grande ciudad na entero mundo con 1,480 km² y 28 maga alreredor isla.
asegun con el censo del año [2000], el Zamboanga tiene populacion na mas o menos 601,794 de maga residente na mas o menos 177,152 de maga casa. Ahora esta tiempo, estimao que el ciudad tiene ya mas o menos un millones de maga residente. Conforme, este el aca-[6] mas populao ciudad na entero nacion. Este ciudad esta centro del commercio y negocio, maga servicio de buen salud, y educacion na entero region de oeste Mindanao. Este ciudad tambien el sitio del Zamboanga City Special Economic Zone Authority (como se llama el Zamboecozone).
El maga residente o el maga Zamboangueños hablante un clase de unico lenguaje de creollo como se llama Chavacano que un mezclao de Español y Cebuano o Bisaya,Ilonggo o Hiligaynon, Subanon-Subanen, Yakan, Tausug, Sama-Bangingi, Portugis y Mexican-Indian.
El Ciudad de Zamboanga tiene tres universidad: el Ateneo de Zamboanga University, Western Mindanao State University - un universidad del estado, y el Universidad de Zamboanga. Con este ciudad tambien ya establice el primero diocesis na Mindanao. El ahora Arsodiocesis de Zamboanga ya crea del año 1910 y ya hace subi con este como arzobispero del año 1958.
Contents |
[edit] Geografia
[edit] Locacion
El ciudad es na sur y punta del Zamboanga Peninsula, na isla de Mindanao. Este ciudad es 460 miles de nautico sur de Manila, 365 miles de nautico norte-este de Kota Kinabalu na Malaysia, y 345 miles de nautico norte-este de Manado na Indonesia. Na oeste de este ciudad amo el Mar de Sulu, na este, el Golfo de Moro, y na sur, el Aprieto de Basilan y Mar de Celebes. El ciudad es uno y media hora de lejos desde Manila por medio de eroplano y un hora de lejos tambien desde'l maga ciudad de Cebu y Davao.
[edit] Clima
El ciudad tiene natural y suave clase de clima con seco o mojado temporada - seco desde Noviembre hasta Mayo y mojado na otro maga mes del año.
El maga ciclon tropical o maga como se llama 'tifon' ralo. Este porcausa el ciudad afuera del 'typhoon belt'. El calor medio temperatura cerca na 27 °C o 80.6 °F y el cada año aguacero es 1,362.01 mm.
[edit] Maga Isla
El Ciudad de Zamboanga tiene 28 maga isla afuera del costa del su majoria tereno. Oficialmente, este maga isla posesion del ciudad y bajo na poder del ciudad. Tiene de este maga isla, ocupado de gente; tiene, sin ocupado. El maga otro isla tambien, usando por el maga actividades como pesca y scuba. El maga isla de Santa Cruz es famoso por el su maga arena color rosas que considerando ralo na entero mundo. El maga isla rico na maga coral, marisco y vida de la mar. Mas de media del maga clase de marisco en el entero mundo hay puede encontra na Mar de Sulu, alreredor de este maga isla. El maga isla amo el maga siguente:
|
|
[edit] Maga Barrios
El Ciudad de Zamboanga tiene maga 98 barrios:
|
|
[edit] Historia de Zamboanga
Este historia de Zamboanga ya influencia na tradicion de Sama conocimiento na origen el nombre de Zamboanga. El uno ta relata na caña largo y el otro na flores de jardin.
El uno vercion ta habla que el nombre Zamboanga ya saca na palabra "samuang" que na Sama vernaculo, quiere decir rempuja el caña para na agua lodo con el vinta o canoa. Este caña ta dale vuelo, hende na necesita ancla. Si esta para cree, este es uno historia clasico, el historia ta continua cuando tiene un soldao Español ya perde su camino na rio, ya puede le mira sama na vinta ta amarra su ancla na caña. El soldao ya pregunta con el barquero si cosa el nombre del lugar, pensaba el barquero ta pregunta el Español si cosa le ta hace. Ya contesta el "samuang". El soldao ya cree cay samuang el nombre del lugar.
El otro version cuando nuevo centuria grupo de antigua maritimo ta encabeza si Salingai Bongsu y el Pesquisa celebrado flore de jardin ta llama Jambangan, ellos ta vela para na este estaba na imperio de Srivijaya para na direccion de Zamboanga, que ya renombra el Jardin de Asia.
Cuando na viaje, un grupo tambian tan viaje para apuera na este sudeste ya llega con este lugar que amo ahora el Sandakan, el grupo ya llama con el lugar Jambangan, el orto grupo tambian ya llega na lugar que amo tambian ahora el Siasi y ellos ya llama tambien con este lugar como Jambangan.
[edit] HIMNO DE ZAMBOANGA
I
Zamboanga hermosa, preciosa, perlita
orgullo de Mindanao
tus bellas dalagas
son las que hermosean
tu deliciosa ciudad.
II
Flores y amores
que adornan su jardin
eres la imagen
de bello eden...
III
Zamboanga hermosa, preciosa, perlita
orgullo de Mindanao
tus bellas dalagas
son las que hermosean
tu deliciosa ciudad.
Categoria: Las Filipinas
