Filipinas

Desde Chavacano de Zamboanga Wikipedia - El Libre Enciclopedia

(Filipino: Filipinas; Tagalog: Pilipinas) Officialmente, El Republica de las Filipinas (Tagalog: Republika ng Pilipinas) es un isla nacion na sur-este del Asia con Manila como su capital y que ta forma como un arquipelago de 7,107 islas como se llama El Arquipelago de las Filipinas. Este nacion tiene 1,210 kilometro o (750 miles) distancia desde'l tierra del Asia y na mismo costa weste del mar Pacifico. Tienne 700 del de este mana islas ocupao de gente.

Na este del Filipinas amo el Mar del Filipinas, na weste el Mar del sur de China, y na sur, el Mar de Celebes. Puede encontra na sur del Filipinas el maga isla de Molucas y Celebes na Indonesia, na sur-este maga parte de Malaya del Borneo y directalmente, norte del Filipinas amo el Isla de Taiwan. El maga isla de Filipinas entre na 116° 40' y 126° y 34' E. longitud, y 4° 40' y 21° 10' N. latitud.

El Filipinas es un majoria nacion de Romano Catolico na Asia^[1] y es un nacion na maga otro que tiene mas herencia weste. Su moderna cultura es un unico mezclao de este y weste como este nacion bien influenciao del maga nacion España y Estados Unidos como el Islas Filipinas ya queda un coloña Español bajo de 350 años y un coloña Americano tambien bajo de mas o menos 50 años. Masquen pa este nacion bajo de un agricultural clase de economia, el Filipinas, tambien, es un importante destinacion por maga negocio de 'outsourcing' y es un 'exporter' de maga electronico. Mucho trabajador Filipino el quien ta trabaja na otro maga nacion y el de su maga dinero que ta envia na Filipinas ta forma significante porcion del capital del maga producto nacional del pais.

El nombre del nacion ya original con Ruy López de Villalobos, el quien ya dale nombre con el maga islas del Samar y Leyte como Las Islas Filipinas despues del nombre de Rey Felipe II del España cuando que el maga tiempo su expedicion no hay tiene buen exito del año 1543. Y tambien este arquipelago muy conocido como na otro pa maga nombre: España na Este de los Indios, Nuevo Castellano y Islas de San Lázaro. Pero el nombre Filipinas amo ya queda como nombre del entero arquipelago.

[edit] Historia

Si Ferdinand Magallanes amo el quien ya descubrir con el maga islas del año 1521. Na encuentro entre maga Español y maga nativo Filipino, si Magallanes ya mori bajo na espada de Lapu-Lapu quien el datu del isla Mactan. Del año 1565, si Miguel Lopez de Legaspi ya llega y hecho con el maga islas como un coloña bajo del España, primero con el Cebu y despues con el Manila. Principiando quel dia, el Filipinas ya queda un coloña España hasta del año 1898. Del año 1898, ya man encuentro el revolucion de maga Katipunero y maga soldao Americano contra con el maga Español.