崇明岛
来自 吴语维基百科
崇明岛位于西太平洋沿岸中国海岸线个中点地区，地处中国最大河流长江入海口，是全世界最大个河口冲积岛。
中华人民共和国官方认定此岛为中国仅次于台湾岛、海南岛个第三大岛屿（但有争议，参见台湾问题。），有“长江门户、东海瀛洲”之称。全岛三面环江，一面临海，西接长江，东濒东海，南搭上海浦东新区、宝山区及江苏省太仓市隔水相望，北搭江苏省海门市、启东市一衣带水。全岛面积大约1225平方公里，东西长80公里，南北宽13到18公里。岛浪地势平坦，呒得山搭丘陵，西北部搭中部稍微高点，西南部搭东部低点。90%以上个土地标高（以吴淞标高0米为参照）勒3.21米到4.20米之间。岛屿地理位置勒东经121°09′30〃至121°54′00〃，北纬31°27′00〃至31°51′15〃，地处北亚热带，气候温和潮湿，年平均气温15.2℃，日照充足，雨水充沛，四季分明。
目前崇明岛大部分地区属于上海市崇明县管辖，县城是城桥镇，也有小部分地区属于江苏省管辖。
崇明岛勒唐朝武德元年（618年）露出水面，到今朝已经有1300多年个历史。由于长江携带个大量泥沙淤积，崇明岛每年以143米的速度朝东海延伸，增加土地大约487公顷, 几经变迁，现在东西约80多公里，南北宽约10-15公里，面积为1041平方千米。崇明岛大气污染程度较轻微，水、土地也较干静，再加上气候属于北亚热带，温度适中，四季分明，光照充足，有利于多种农作物个生长。崇明岛有交关名、优、特、稀产品，譬如老毛蟹（阳澄湖个大闸蟹就是崇明个蟹苗）、面丈鱼、凤尾鱼、刀鱼（秋刀鱼）、甜噜苏（类似甘蔗)、包瓜、鳗鱼（鳗鲡）、对虾、白山羊、金瓜、甜玉米、芦笋、食用菌、崇明大白菜等。
崇明岛也是候鸟个天堂，候鸟到岛浪栖息、觅食。崇明岛已经成为中国候鸟重点保护区搭中国国家地质公园，东部还有丹顶鹤。
