同性婚姻
来自 吴语维基百科
 |
该篇文章记录该歇勒浪发生个事体。 信息作兴会跟牢事态个进一步发展快速变动。 |
| 同性婚姻(民事结合) |
| 已经合法化国家： |
| 丹麦(1989) |
| 挪威(1993) |
| 瑞典(1994) |
| 冰岛(1996) |
| 荷兰(1998) |
| 德国(2001) |
| 芬兰(2001) |
| 法国(2002) |
| 瑞士(2002) |
| 比利时(2003) |
| 加拿大(2005) |
| 西班牙(2005) |
| 英国(2005) |
| 新西兰(2005) |
| 南非(2006) |
| 部分地区合法化个国家： |
| 美国 |
| 阿根廷 |
| 澳大利亚 |
| 其它国家搭地区： |
| 台湾 |
| 中国大陆 |
| 参见 |
| 民事结合 |
| 家庭伴侣关系 |
| 编辑搿个方框 |
同性婚姻（或者称为“同性恋婚姻”或者“同性别婚姻”），两个同性别个体之间个婚姻。（乃歇也有除开婚姻个其它形式个同性结合）
内容 |
[编辑] 一星定义
[编辑] 婚姻
由同性恋权利支持者使用个婚姻个定义是：
- 一个获得社会承认个、自愿个、忠贞个、单配个、合法个两个成年人之间个契约结合，由政府搭/或社会通过给与特定个权利、待遇搭责任表示认可。搿星权利包括经济、税收、遗产、抚育子女、收养子女搭做出医疗决定个权利。
简而言之，就是拿原来婚姻定义里向个一男一女揩脱，使得同性婚姻变成可能。搿个定义个支持者欢喜伊，因为伊去脱仔传统观念，以现代个重视尊重个体权利道德观念决定同性婚姻有效。假如社会认同，任何关系侪可以认为是“婚姻”。但现在世界上多数社会侪认为“一男一女”是婚姻个基石，绝对弗能去脱，个了前面搿批人拨认为是严重歪曲婚姻观念。
婚姻可以分为宗教婚姻（可能也弗拨法律承认）搭世俗婚姻、国家承认个合法婚姻（可能也弗拨宗教组织认可）。勒一星国家，宗教婚姻搭世俗婚姻是同时进行个，而勒另外一星国家，宗教婚姻必须等到政府批发文件之后，或者一个法定个仪式举行之后才合法。要晓得仔多点，请参见婚姻。
从历史浪来讲，婚姻通常是弗容易定义个。勒弗同个社会，可能有过一星类似婚姻个结合，但是伊俚弗一定符合今朝婚姻个定义。
[编辑] 同性婚姻历史
[编辑] 东方
详情请看中国同性恋、日本同性恋、同性恋历史
勒东方，有关同性之间个情爱或欲望老老早早就有记录。搿种欲望形成一种同性结合，通常是男性之间，而且一般随仔年龄弗同而弗同（关于古代女性同性关系个信息要少得多。居可能部分反映仔这样子一种观念：描述妇女是弗必要、不恰当个，或者可能是因为女性同性关系朆受到男性同性间关系个重视，甚至可能是因为女性朆得垃搭男性一样个平等地位，个了男性可以自由个勒婚内或者婚外追求性渴望搭情爱，而女性一般弗能够）。
[编辑] 中国大陆同性婚姻
中国性研究专家李银河曾经两趟试图朝全国人大提交同性婚姻立法，但是因为朆收集垃足够个签名而失败。2006年李银河咦朝中国人民政治协商会议提案。全国政协新闻发言人吴建民表示，同性婚姻勒中国仍太超前。有人讲，李银河教授仍勒继续努力，提交“同性婚姻法”提案拨全国人大。[1]
[编辑] 台湾同性婚姻
- 2003年底，台湾政府表示要把同性婚姻合法化，要把台湾成为亚洲头一个认可同性婚姻个地区。但是到现在该项法案仍朆获得国会立法通过。
- 2006年10月20号，台湾立委萧美琴个“同性婚姻法”草案，获得立法院足额立委连署，跨过门槛正式提案，并勒2006年10月17号排进立法院议程，勒2006年10月20号完成一读。居是台湾同性婚姻立法进程当中历史性个事件。
[编辑] 西方
| LGBT搭同性恋研究系列 |
|---|
 |
| 性别 · 同性恋 · 双性恋 · 跨性别 |
| LGBT历史 |
| LGBT历史进程 · LGBT社会运动 · 同性恋解放 |
| 性取向文化 |
| 同性恋社区 · 同性恋服装 · 同性恋俚语 · 同性恋村 · 同性恋自豪日游行 · 同性恋理论 · 同性恋搭宗教 · 妇女分离女权 · LGBT标志 |
| 同性恋法律 |
| 同性婚姻 · 同性恋领养 · 鸡奸法 |
| 类别 |
[编辑] 当代同性恋婚姻
同性婚姻现在只勒荷兰、比利时、西班牙等欧洲国家搭仔加拿大、美国个马萨诸塞州等场化是合法个。
勒20世纪末期搭仔21世纪初期，有星要求把婚姻扩展到同性之间个运动开始发展出来。法律规定个婚姻结合包括一系列个权利开发，比如社会保险、纳税、继承搭仔其它未婚夫妇难以获得个权利。法律浪对婚姻个认同方式排除仔同性情侣取得搿星权利个权力（比如讲同性情侣弗容易领养子女）。
反对同性婚姻个人一般侪有宗教背景，渠俚认为同性婚姻有可能破坏传统个婚姻价值观。勒一星一夫一妻制度国家，人开始担心事，允许同性婚姻会得重新开多夫多妻制度个立法，或者其它弗垃好个方式。
作为回应，支持同性婚姻个人表示，传统观念个婚姻已经让位拨其它领域个自由主义，比如讲，可行个无过错离婚。另外，一星宗教开始承认、庆祝同性婚礼或承担典礼。勒加拿大，同性婚姻造成仔宗教团体分裂，国家最大个新教宗派加拿大联合教会（United Church of Canada）搭圣公会部分教会，对同性婚姻表示一定程度个支持。
有星自由主义者反对同性婚姻，是因为渠俚反对一切形式个国家认可个婚姻，里向也包括异性婚姻。
[编辑] 其它形式个同性结合
要求法律认可同性恋婚姻个运动已经取得一定成效，改变个程度有所弗同：
- 民事结合为同性婚姻提供顶广泛个权利搭义务，但是用个是弗同于“婚姻”个名称来称呼。搿种类型勒到欧洲一星国家搭美国个佛蒙特州、阿根廷个布宜诺斯艾利斯等落场。
- 家庭伴侣关系或注册伴侣关系（registered partnerships）提供弗同程度个权利搭义务，通常远远比公民结合所提供个权利要少。目的弗限定勒同性间个婚姻。
就算勒有法律认可个地区，交关同性恋情侣仍选择结婚（一般叫“承诺典礼”：commitment ceremonies）来庆祝搭确定伊俚个关系，履行社会婚姻方面个内容。但是搿种婚姻弗具备法律效力，个了呒处处理继承、财产权搭社会保险等方面个内容。
[编辑] 同性婚姻大事记
- 1989年10月1号：丹麦成为头一个认可同性结合（same-sex union），允许同性伴侣登记注册。（要注意个是，居弗是立法承认个同性婚姻）
- 1996年：夏威夷一法院推翻仔“禁止同性婚姻，婚姻限定勒异性之间”个州宪法条文。搿个判决引发全国性个讨论。
- 1996年：克林顿签署“婚姻保护法案”，联邦政府弗承认同性婚姻个合法性，授权各州可以拒绝认可其它州个同性结婚证书个合法性。一龙总有38州颁布仔类似个州立法。
- 2000年：佛蒙特州州长霍华德•迪安签署法律，允许同性伴侣之间个“民事结合”（civil union）；佛蒙特成为美国头一个认可同性结合个州。“民事结合”是由佛蒙特州创造出个新法律关系，后首来拨广泛使用。
- 2001年1月1号：荷兰成为头一个法律认可同性婚姻个国家，同性婚姻家庭享有传统家庭所享有个一切待遇。
- 2003年1月30号：比利时继荷兰之后，成为世界上第二个承认同性婚姻合法个国家。但是搿部法律禁止同性家庭收养小囡。
- 6月：美国联邦最高法院作出对“劳伦斯诉得克萨斯”（Lawrence et al. v. Texas）一案个判决，搿个判决为同性伴侣争取法律权利（包括结婚）铺平仔道路。
- 6月-7月：加拿大个安大略湖省搭哥伦比亚省允许同性恋者结婚。
- 11月18号：马萨诸塞州最高法院勒Goodridge et al. v. Department of Public Health一案判定：禁止同性结婚是违反马萨诸塞州宪法，并拨勒立法机关180天修改法律。
- 2004年2月4号：马萨诸塞州最高法院重申两种婚姻个平等地位搭表达是“必须”个，居就表明：要么婚姻适用于同性间个结合，要么就弗承认所有婚姻形式，只承认伴侣间个“民事结合”。搿个判决勒2004年5月18号生效。按照相关法律，假如想要推翻法院判决个州宪法修正案至少需要经过州立法机关搭公投才可能通过，就算通过了，也必须等到2006年才可以执行。
- 2月12号–3月11日：加利福尼亚州旧金山市新当选个市长加文•纽森搭其它官员开始勒旧金山市颁发“结婚证书”。女同性恋激进分子Phyllis Lyon搭Del Martin是头一对“结婚”个同性伴侣。搿事体是搭加州家庭运动（Campaign for California Families）搿个传统团体之间进行个法律斗争。勒加州最高法院3月11号要求旧金山暂停签发同性婚姻证书以作进一步决定之前，亨白浪当有4161对同性伴侣领仔结婚证件。
- 3月29号：马萨诸塞州通过“禁止同性婚姻，但是承认民事结合”个立法修正提议案，并要勒2006年由公民投票表决[2]，搿个修正案内容只拨同性伴侣部分权利。
- 5月18号：马萨诸塞州最高法院对Goodridge et al. v. Department of Public Health一案个判决产生法律效力。
- 12月9号，新西兰国会几个本来反对议案个议员转变态度支持，以过半数通过同性恋者及同居人个民事结合，可以享有搭合法夫妇等同个法律地位。有关法律勒2005年4月26号正式生效。
- 2005年6月28号，加拿大国会下议院通过同性婚姻法案，仍要参议院通过搭仔英国君主个恩准。
- 6月30号，西班牙下议院第二次通过同性婚姻法案，推翻参议院一周之前否决此法案个决议。7月2号颁布，7月3号起正式成为第三个全国性认可同性婚姻个国家。
- 7月19号，加拿大参议院通过仔“同性婚姻合法”个提案。几个钟头之后，加拿大最高法院负责人勒提案浪签字，正式成为该国个一项正式法律，也使得加拿大成为继荷兰，比利时搭西班牙之后世界浪第四个承认“同性婚姻”合法个国家。[3]
- 12月5号，英国正式允许同性伴侣登记。根据公民伴侣关系（Civil Partnership）法案规定，希望建立伙伴关系个伴侣必须勒当地政府登记，来享受搭异性夫妇同等个待遇。[4]12月19日，两个同性恋女人勒北爱尔兰首府贝尔法斯特举行仔公民伴侣仪式，成为英国头对正式登记个同性恋者。[5]
[编辑] 内部链接
- 中国同性婚姻
- 台湾同性婚姻
- 民事结合
[编辑] 外部链接
- 同性婚姻来自LookSmart
- GLB婚姻搭国内伴侣关系来自Open Directory Project
- 同性婚姻搭国内伴侣关系来自雅虎
- Frequently Asked Questions: Goodridge et al. v. The Department of Public Health by the Human Rights Campaign
- Stonewall campaign in the UK for links to government papers in PDF format
- 弗要同性婚姻
- 同性婚姻是否比《圣经》更早出现？ (英语)
Categories: Current events | 同性婚姻 | 婚姻 | 同性恋
