Seretse Khama

From Wikipedia

Sir Seretse Khama (July 1, 1921 - July 13, 1980) ke ene tautona wa ntlha wa lefatshe la Botswana. O gakologelwa lefatshe ka bophara ka go tiisa kgotso le thokgamo mo Botswana.

[edit] Botshelo go tswe bonnyeng le Thutego

Seretse o tshotswe ko Serowe, mo Bechuanaland e le ngwana-a-ngwana wa ga Khama III kgosi ya Bangwato. O biditswe Seretse go lebeletswe gore seretse fa se tlhakane le metsi, se a kopana ka jalo go katwe ke mokopanya setshaba. Seretse o ile a nna kgosi ya Bangwato ka ngwaga wa 1925, a le dingwaga tse nne fela, morago ga loso lwa ga rraagwe, mme Tshekedi Khama o ne a mo tshwarelela.

O ne a tsena dikolo tse dikgolwane kwa Aferika Borwa, mme morago a ya go tsena kwa Fort Hare University College, gone kwa Aferika Borwa. O ne a dira ngwaga o le mongwe kwa Balliol College, Oxford kwa ga Mmamosadinyana, mme morago a ithutela tsa molao kwa Inner Temple kwa Lontone.

[edit] Nyalo le go lelekwa

Ka Seetebosigo ka ngwaga wa 1947, Seretse Khama o ne a kopana le Ruth Williams, mme wa lekgoa mo Lontone. Morago ga ngwaga, ba ne ba nyalana. Lenyalo le la morafe o montsho le o mosweu, le ne la seka le amogelwa ke Goromente wa apareteiti kwa Arerika Borwa gammogo le bagolwane ba ga mmangwato. E ne yare Tshekedi a utlwa, a batla gore Seretse a busediwe gae mme ebile nyalo e fedisiwe. Go boeng ga gagwe, Seretse o ne a buisa diphuthego, mme morago a tlogelwa e nna Kgosi. Setšhaba le sone sa simolola go amogela Ruth Williams Khama, mohumagadi wa gagwe. Tshekedi ene o ne a tlogela Bechuanaland, ka a ne a sa dumalane, mme Seretse a boela Lontone go feleletsa dithuto tsa gagwe.

Mafatshe a sele one a ne a sa utlwane le nyalo e, bogolo jang la Aferika Borwa le le neng le tlhaola batho ka letso la mmala. Mme ka Bechuanaland e ne ele ka fa tlase ga ga mmamosadinyana, goromente wa Aferika Borwa wa laolela wa ga mmamosadinyana gore Seretse a ntshiwe mo bogosing. Ka Mmamosadinyana a ne a latlhegetswe ke madi mo ntweng ya mafatshe-fatshe ya bobedi, ka jalo a ne sa batle go latlhegelwa ke Gauta go tsweng Aferika Borwa. Ka jalo Seretse o ne a kojwa mo Bechuanaland. TBC