ගණිතය
From Wikipedia
-
For other meanings of "mathematics" or "math", see mathematics (disambiguation).
ගණිතය බොහෝ විට අර්ථ දැක්වෙනුයේ ප්රමාණය,ව්යුහය,අවකාශය සහ විපරිණාමය යනාදී දෑ අධ්යයනය කෙරෙන්නා වූ විෂය ක්ෂේන්රය ලෙස ය.ගණිතඥයන් බොහෝ දෙනෙකු විසින් දරන තවත් මතයක් නම්,ප්රත්යක්ෂ සහ අර්ථදැක්වීම්වලින් ඇරඹී නිගාමී තර්කණය මඟින් සනාථ කළ දැනුම් සම්භාරය වනාහී ගණිතය යන්නයි. ඕනෑම සමාජයක පාහේ,ගිණුම් තැබීම, බිම්මැනුම සහ තාරකා ශාස්ත්ර ආශ්රිත සිද්ධි පූර්ව නිශ්චය කිරීම යනාදී කටයුතු සඳහා ප්රායෝගික ගණිතය යොදා ගෙන ඇත.
ගණිතමය සොයා ගැනීම් සහ පර්යේෂණවල දී බොහෝ දුරට ,යෙදීම් ගැන සැලකීමකින් තොරව,රටා සොයා ගැනීම සහ ඒවා අනුපිළිවෙලකට සකස් කිරීම සිදුවේ."සුවිශුද්ධ" ගණිතයෙහි ඇති සුවිශේෂ කරුණක් නම් එය නිතරම ප්රායෝගික යෙදීම්වලට තුඩු දීමයි.මේ කරුණ ඉයුජින් විග්නර් "ගණිතයෙහි අතක්කාවචර ඵලදායිතාව" ලෙස හඳුන්වා ඇත. වත්මනෙහි,ස්වභාවික විද්යා,ඉංජිනේරු විද්යාව, ආර්ථික විද්යාව සහ වෛද්ය විද්යාව යනාදී විෂය කේෂේත්ර නව ගණිතමය සොයා ගැනීම් මත බෙහෙවින්ම යැපේ.
Mathematics යන වදන "විද්යාව,ඥානය හෝ ඉගෙනීම"යන අරුත් දෙන ග්රීක μάθημα (máthema)සහ "ඉගෙනීමට ඇති ලෝලය" යන අරුත් දෙන ග්රීක μαθηματικός (mathematikós) ආදියෙන් බිඳී ආවෙකි.එය පොදු රාජ්ය මණ්ඩලීය ඉංග්රීසි ව්යවහාරයේ maths ලෙස ද උතුරු ඇමරිකා ඉංග්රීසි ව්යවහාරයේ math ලෙස ද කෙටියෙන් භාවිත වෙයි.
[edit] ඉතිහාසය
ගණිතයෙහි විකාසනය නිමක් නොමැති වියුක්තීකරණ මාලාවක් ලෙස හෝ විෂය කරුණුවල සිදුවන පුළුල් වීමක් ලෙස හෝ දැකිය හැකි ය. මුල් වියුක්තීකරණය ලෙස සංඛ්යා හැඳින්විය හැකි ය.ඇපල් ගෙඩි දෙකක් හා දොඩම් ගෙඩි දෙකක් අතර යම් පොදු ලක්ෂණයක් ඇති බව, එනම් ඒ දෙකම එක් මිනිසකුගේ දෑතට ගත හැකි බව, වටහා ගැනීමට හැකිවීම මිනිස් චින්තනයේ වැදගත් සංධිස්ථානයක් සනිටුහන් කරයි.
සංයුක්ත වස්තු ගණනයට අමතරව,ප්රග් ඓතිහාසික මිනිසා කාලය,දින,ඍතු,වර්ෂ වැනි වියුක්ත රාශී ගණනයට සමත් විය. අංක ගණිතය(උදා:එකතු කිරීම,අඩු කිරීම, වැඩි කිරීම සහ බෙදීම )ස්වභාවිකවම ගම්ය වෙයි.මොනෝලිතික ස්මාරක එකල පැවති ජ්යාමිතික ඥානය ගැන සාක්ෂි දරයි.
ඓතිහාසිකව,ගණිතය තුළ දැවැන්ත ශික්ෂණ මතුව ආවේ,වාර්තා වී ඇති ඉතිහාසයේ ආරම්භයේ සිට,බදු හා වාණිජ ක්ෂේත්රයේ ගණනය කිරීම් කිරීම,සංඛ්යා අතර ඇති සබඳතා හඳුනා ගැනීම,බිම් මැනුම,තාරකා ශාස්ත්ර ආශ්රිත සිද්ධි පූර්ව නිශ්චය කිරීම වැනි අවශ්යතා නිසා ය. මෙකී අවශ්යතා දළ වශයෙන් ගණිතයෙහි පුළුල් අනුක්ෂේත්ර ලෙස නම් කළ හැකි ප්රමාණය,ව්යුහය,අවකාශය සහ විපරිණාමය යන ක්ෂේත්ර යටතට අනුරූපණය කළ හැකි ය.
ගණිතය අද බොහෝ වර්ධනය වී ඇති අතර එය සහ විද්යාව අතර ඉතා ඵලදායී අන්තර්ක්රියාකාරීත්වයක් පවතී. එය එකී ක්ෂේත්ර දෙකෙහිම අභිවෘද්ධියට හේතු පාදක වී ඇත. ඉතිහාසය පුරාම ගණිතමය සොයා ගැනීම් සිදු වූ අතර දැනටත් සිදු වෙයි.
[edit] බාහිර පුරුක්
සංඛ්යා හා පාද http://s.dasun.googlepages.com/assembly.html