Deledda, Grazia

Dae Wikipedia, s'entziclopedia lìbera.

(Nùgoro, 1871 - Roma, 1936). Iscritora.

[edit] Biografia

A deghessete annos nch'imbiat a sa rivista Ultima Moda de Roma, su primu iscritu, Sangue Sardo, dimandende chi esseret publicadu. Su testu faghet parte de sa literatura populare e de apènditze sighende su modellu de Ponson du Terrail. Intre su 1888 e su 1890, Grazia Deledda collàborat cun sas rivistas romanas, sardas e milanesas, dudosa intre sa prosa e sa poesia. S'òpera chi marcat pròpiu su cumintzu de sa carrera literària sua est Fior di Sardegna (1892), chi otenit carchi retzensione bona.

Sos iscritos suos sunt cunditzionados dae su clima tardu romànticu. Istimulada dae Angelo de Gubernatis, s'òcupat de etnolozia: de sa collaboratzione a sa Rivista di Tradizioni Popolari Italiane, dae su mese de nadale de su 1893 a su mese de maju de su 1895, su resurtadu mezus sunt sas ùndighi puntadas de Tradizioni popolari di Nuoro e Sardegna.

In su 1895 inche Cogliati in Milanu, publicat Anime oneste e s'annu a pustis La via del male chi otenet s'aprovatzione de Luigi Capuana. Durante un'istonzu in Casteddu, in su 1899, connoschet a Palmiro Madesani, funtzionàriu de su Ministèriu de sas Finantzas in missione. In su matessi tempus publicat, a puntadas, in sa Nuova Antologia su romanzu Il vecchio della montagna. S'11 de ghennarzu de su s'annu imbeniente, si cojuat cun Palmiro Malesani e in su mese de abrile si nche tràmudant a Roma: si realizat gasi su desizu suo de si nch'andare dae sa provìntzia sarda. Mancari fagat una bida solitària, in sa capitale at a connoscher unos cantos de sos intèrpretes prus mannos de sa cultura italiana cuntemporànea. Intre su mese de austu e su de nadale de su 1900, semper in sa Nuova Antologia, essit Elias Portolu. In su 1904 est publicadu, in unu volùmene, Cenere, da ue nch'ant tiradu una pellìcula interpretada dae Eleonora Duse (1916). Sos duos romanzos de su 1910, cunsiderados a su sòlitu frutu prus de una boluntade forte de iscrier chi non de un'ispiratzione autèntica, sunt de marcare però pro esser, su primu, Il nostro padrone, unu testu cun un'isfundu sotziale craru e, su segundu, Sino al confine, pro unos cantos aspetos autobiogràficos.

A su ritmu lestru de belle duos testos onzi annu, essint sos contos de Chiaroscuro (1912), sos romanzos Colombi e sparvieri (1912), Canne al vento (1913), Le colpe altrui (1914), Marianna Sirca (1915), sa regorta Il fanciullo nascosto (1916), L'incendio nell'uliveto (1917) e La madre (1919). Est s'istajone prus bella. Sos romanzos ant totus una prima publicatzione in rivistas (borta a borta Nuova Antologia, Illustrazione Italiana, La Lettura e Il Tempo), e in fines sunt imprentados dae sos Tipos de Treves.

Su 10 de cabudanni de su 1926 l'assinnant su prèmiu Nobel pro sa literatura: a oe est s'ùnica autora italiana premiada cun su Nobel. In Annalena Bilsini s'intendet un'istrachidudine chi corfet sa crìtica mescamente a pustis de sos reconnoschimentos reghentes. S'ùrtimu romanzu La chiesa della solitudine est de su 1936. Sa protagonista est, che a s'autora, malàida de tumore.

Dassat un'òpera non finida, chi at a esser publicada s'annu imbeniente a cura de Antonio Baldini cun su tìtulu Cosima, quasi Grazia.

[edit] Unas cantas òperas:

• Sangue sardo, in Ultima Moda, 1888.
• Remigia Helder, in Ultima Moda, 1888.
• Memorie di Fernanda, in Ultima Moda, 1888.
• La pesca miracolosa, in La Sardegna, 1889.
• Il castello di San Loor, in La Sardegna, 1889.
• Nell'azzurro, Trevisini, Milano-Roma 1890.
• Stella d'oriente, in L'Avvenire di Sardegna,1891.
• Amore regale, Perino, Roma, 1891.
• Amori fatali, in Ultima Moda, 1892.
• Fuoco, in Vita Sarda, 1892.
• Sulle montagne sarde, Perino, Roma, 1892.
• Romanzo minimo, in Ultima Moda, 1892.
• Fior di Sardegna, Perino, Roma, 1892.
• La regina delle tenebre, Origlia, Torinu, 1892.
• La donna in Sardegna, in Natura ed Arte, 1893.
• Malocchio, in Natura ed Arte, 1893.
• Racconti sardi, Dessì, Tàtari, 1894.
• Leggende sarde, in Natura ed Arte, 1894.
• Tradizioni popolari di Nuoro in Sardegna, Forzani, Roma, 1895.
• Anime Oneste, Cogliati, Milanu, 1895.
• San Giovanni bello, in Natura ed Arte, 1896.
• San Francesco, in Natura ed Arte, 1896.
• La via del male, Speirani, Torinu, 1896.
• Il Tesoro, Speirani, Torino, 1897.
• Paesaggi sardi, Speirani, Torinuo, 1897.
• L'ospite, Cappelli, Rocca San Casciano, 1897.
• Giaffàh, Sandron, Palermu, 1899.
• Nostra Signora del Buon Consiglio, Sandron, Palermo, 1899.
• Le disgrazie che può causare il denaro, Sandron, Palermo, 1899.
• I tre talismani, Sandron, Palermo, 1899.
• La giustizia, Speirani, Torino, 1899.
• Le tentazioni, Cogliati, Milano, 1899.
• Il vecchio della montagna, Roux e Viarengo, Torino, 1900.
• Tipi e paesaggi sardi, in Nuova Antologia, 1901.
• La regina delle tenebre, Agnelli, Milano, 1902.
• Dopo il divorzio, Roux e Viarengo, Torino, 1902.
• Elias Portolu, Roux e Viarengo, Torino, 1903.
• Cenere, in Nuova Antologia, 1903.
• Nostalgie, in Nuova Antologia, 1905.
• I giochi della vita, Treves, Milano 1905.
• Amori moderni, Voghera, Roma, 1907.
• L'ombra del passato, in Nuova Antologia, 1907.
• L'edera, in Nuova Antologia, 1908.
• Il nonno, in Nuova Antologia, 1908.
• Il nostro padrone, Treves, Milano, 1910.
• Sino al confine, in Nuova Antologia, 1910.
• Nel deserto, in Nuova Antologia, 1911.
• Colombi e sparvieri, in Nuova Antologia, 1912.
• Chiaroscuro, Treves, Milano, 1912.
• Odio vince, in appendice a Il vecchio della montagna, ed. riveduta, Treves, Milano, 1912.
• Canne al vento, Treves, Milano, 1913.
• Le colpe altrui, Treves, Milano, 1914.
• Il fanciullo nascosto, Treves, Milano 1915.
• Marianna Sirca, Treves, Milano, 1915.
• L'incendio nell'uliveto, Treves, Milano, 1918.
• Il ritorno del figlio - La bambina rubata, Treves, Milano, 1919.
• Naufraghi in porto, ed. riveduta di Dopo il divorzio, Treves, Milano, 1920.
• La madre, Treves, Milano, 1920.
• Il segreto dell'uomo solitario, Treves, Milano, 1921.
• Cattive compagnie, Treves, Milano, 1921.
• Il Dio dei viventi, Treves, Milano, 1922.
• Il flauto del bosco, Treves, Milano, 1923.
• Le più belle pagine di Silvio Pellico scelte da Grazia Deledda, Treves, Milano, 1923.
• La danza della collana, Treves, Milano, 1924.
• A sinistra, Treves, Milano, 1924.
• La fuga in Egitto, Treves, Milano, 1925.
• Il sigillo d'amore, Treves, Milano, 1926.
• Annalena Bilsini, Treves, Milano, 1927.
• Il vecchio e i fanciulli, Treves, Milano, 1928.
• Il dono di Natale, Treves, Milano, 1930.
• La casa del poeta, Treves, Milano, 1930.
• Il paese del vento, Treves, Milano, 1931.
• La vigna sul mare, Treves, Milano, 1932 .
• Sole d'estate, Treves, Milano, 1933.
• L'argine, Treves, Milano, 1934.
• La chiesa della solitudine, Treves, Milano, 1936.
• Cosima, Treves, Milano, 1937.
• Il cedro del Libano, Garzanti, Milano, 1939.