Romano lekhipen
De la Vikipidiya
O yekhto lekhipen le phurenge le romenge sas i brahmī. Le mai purane lekhimata la brahmiyasa sas le zakonurya le Ashokeske (3-to shelbersh BC). Kado lekhipen biyandilyas but aver lekhimata ando sa o Indikano Subkontinento, Sudestikani Asiya, Tibeto thai shai vi o koreanikano lekhipen hangul. Lesko ginengo sistemo kerdilyas le hindu-arabikane gina, labyarde akana anda sa i dunya (lumya). Ando vaxt le Thagaripnasko Gupta(4-to shelbershestar 6-to shelbersheste AD) andar brahmī kerdilo o lekhipen Gupta. Andar kadava avilyen le Sharada thai Siddham lekhimata. Andar Siddham kerdilo o Devǎnagǎrī lekhipen.
De kana le romenge phure telyarden andar o Indikano Subkontinento von lekhavden cira thai le avre lekhipnasa. Akana o mai labyardo lekhipen la romane ćhibyaki si le latinikane lekhipnasa. Andi Bulgariya, Rusiya e roma lekhen le kirilikane lekhipnasa. Si dosta roma so lekhen le devǎnagǎre lekhipnasa (andi Makedoniya, Rumuniya, shai te avel aver thema). Kana amaro neamo xulavdo sas ande but thema but variante le latinikane lekhipnaske inklyas (so miazon e lekhimata le themenge manushenge). Ando bersh 1990 yekh Komisia vash e ćhibiaki standardizacia dias avri yekh alfabeto te lekhel sa e roma lesa.
Ama ji akana but roma chi labyaren sa o lekhipen (nishte semnurya, sar ç,θ si prea uzalutne thay phares si te arakhen len vi shai te lekhel bi lenge). Andi Mashkarutni Europa mai si nishte lekhipnaske ververimata. Si trin felurya te lekhel dui shunimata: Š, š vi Ś, ś vi Sh, sh thai o aver shunimos, Č, č vi Ć, ć vi Ch, ch. O yekhto lekhipen si labyardo ando Slovaiko, Chexiya, Ungariya, Yugoslaviya (shay te avel aver thema), sar [1][2]; o duito andi Rumuniya (chi arakhlyas pes ni yekh misal ando drakhipen). O trinto si labyardo andi Ungariya[3][4][5] vi sa e Mashkarthemutne Europate le but jenendar. Kado fal te si o mai labyardo sa e romendar le Europake [6][7] thai le kolavrenge kontinenturenge.[8][9]
Atunchi mishto si te lekhas i romani Wikipediya vi le devǎnagǎre lekhipnasa vi le latinikane lekhipnasa. Sar dikhavel tele andi devǎnagǎrī si semnurya sa le indo-arianikane shunimatende.
| Devǎnagǎrī semno | Misal | Latinikano semno | Misal |
| अ | अल | Ǎ, ǎ | ǎl |
| आ | आकाना | A,a | akana |
| इ | इवेन्द | I,i | ivend |
| उ | उदार | U,u | udar |
| ए | एन्या | E,e | enya |
| ओ | ओप्र | O,o | opre |
| क | कुर्को | K,k | kurko |
| ख | खाम | Kh,kh | kham |
| ख़ | ख़ाबेन | X,x | xaben |
| ग | गुग्लो | G,g | guglo |
| च | चाचिपेन | Ch,ch (vai Ć, ć; Č, č) | chachipen |
| छ | छावो | Ćh, ćh | ćhavo |
| ज | जुकेल | J,j | jukel |
| ज़ | ज़ोरालो | Z,z | zoralo |
| त | तोवेर | T,t | tover |
| थ | थेम | Th,th | them |
| द | दान्द | D,d | dand |
| न | नाखेल | N,n | nakhel |
| प | पाशाल | P,p | pashal |
| फ | फुव | Ph,ph | phuv |
| क़ | क़ोरो | F,f | foro |
| ब | बाराबार | B,b | barabar |
| म | मानुश | M,m | manush |
| य | याग | Y,y | yag |
| र | रुप | R,r | rup |
| ल | लोशालो | L,l | loshalo |
| व | वास्त | V,v | vast |
| श | शोप्नी | Sh,sh (vai Ś, ś, Š, š) | shopnī |
| श़ | श़ाम्बा | Zh,zh (vai Ź, ź) | zhamba |
| स | सुनो | S,s | suno |
| ह | हिन्दी | H,h | hindī |
| त्स | त्सिर्देल | C,c | cirdel |
[editisar] Vi dikh
[editisar] Xalyarimata
- ↑ [1]
- ↑ Univerzalno Deklaracija Bašo Čačipa e Manušeskere
- ↑ A szótárban használt rövidítések és jelek
- ↑ [2] (ungarikani ćhib)
- ↑ [3]
- ↑ Gramatica Gitana
- ↑ Euroma
- ↑ Khangiri
- ↑ Romany Pronunciation Guide (anglikani ćhib)
