Carl Lutz

From Wikipedia

Carl Robert Lutz (*30 da mars 1895 a Walzenhausen (AR); †12 da favrer 1975 a Berna) era in diplomat svizzer.

El ha maridà Gertrud Lutz-Fankhauser(1911 - 1995), che è pli tard stada vicepresidenta dall'UNICEF. Il pèr viagia l'onn 1935 a Palestina, nua che Carl lavura sco funcziunari da consulat enfin l'onn 1941. Els daventan perditgas dals tumults dramatics tranter palestinais ed immigtants gedius da la Germania.

Lutz ha lavura èn ils consulats svizzers a Washington (D.C.), Philadelphia, St.Louis, Jaffa e Berlin, avant sco vegnir spusta a Budapest l'onn 1942 sco viceconsul. Enconuschent daventa el la entras ses engaschi per gedius ungarics durant la secunda guerra mundiala, cun il qual el ha salvà a 60.000 carstgauns, circa la mesadad da tut il survivents gedius ungarics, da las acziuns da destrucziun dals naziunalsocialists.

El ha cuntanschi quai entras sia posiziun sco menader da la partiziun "interess jasters" en l'ambassadura svizra, cunquai ch'el ha reparti a partir dal 1944 a gedius che levan emigrar en la Palestina, pass e brevs da protecziun. Quellas protegivan ils gedius da vegnir deportads en champs da concentraziun (Auschwitz), perche che la partiziun da la SS da Eichamnn respectava questas brevs. Quai era in resultat da sia lavur diplomatica en Palestina, nua ch'el veva risguardà interess tudestgs encunter ils englais.

Il diplomat svedais Raoul Wallenberg, che è vegni il fanadur 1944 a Budapest, s'ha s'orienta davart il sa cuntegnair dal diplomat svizzer. Las activitads da Wallenberg èn pli tard vegnidas fich renumadas, durant che Lutz è ditg stà nunundrà. Suenter l'uiara è el vegni admoni dal stadi svizzer per surpassament da competenzas. Yad Vashem ha undrà Carl Lutz e sia prima dunna 1965 cun il titel "Gerechter unter den Völkern".

Lutz schai satrà sin il santeri Bremgarten a Berna.